+7 (701) 759 90 19
-8 °С : نۇر-سۇلتان
4 °С : الماتى
USD 385.76 EUR 427.89
RUB 6.04 CNY 54.79
جاڭالىقتار

ەلوردادا جارىقتىڭ ءسونىپ قالۋى: اپاتتىق بريگاداعا سىياقى بەرىلەدى

11 قاراشا 21:04
:ءبولىسۋ
ەلوردادا جارىقتىڭ ءسونىپ قالۋى: اپاتتىق بريگاداعا سىياقى بەرىلەدى

نۇر- سۇلتان. قازاقپارات - نۇر- سۇلتان قالاسىندا ەلەكتر قۋاتىن قالپىنا كەلتىرگەن اپاتتىق بريگادا جۇمىسشىلارىنا سىياقى بەرىلەدى.

بۇل تۋرالى نۇر- سۇلتان قالاسىنىڭ وتىن- ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنىڭ باسشىسى ەرنات ءبازىل ايتتى، دەپ حابارلايدى قازاقپارات ءتىلشىسى.

«قالا اكىمى تەز ارادا كوميسسيا قۇردى. ول نىساندارعا ەكى ساعات سايىن بارىپ، بارلىعىنان حاباردار بولىپ وتىردى. بۇگىنگى تاڭدا 1,5 تاۋلىك بويى جۇمىس ىستەگەن 16 ادامعا سىياقى بەرۋ تۋرالى تاپسىرما بەرىلدى. تۇندە -18 گرادۋس بولعانىن جاقسى بىلەسىزدەر. ولار وسىعان قاراماستان، تىنباي جۇمىس ىستەدى»، - دەدى ەرنات ءبازىل ەلوردا اكىمدىگىندە وتكەن باسپا ءسوز ءماسليحاتىندا.

نۇر- سۇلتان اكىمى التاي كولگىنوۆ تە Instagram-پاراقشاسىندا جۇمىسكەرلەرگە العىسىن ءبىلدىردى. «ەلەكتر جەلىلەرىن قالپىنا كەلتىرگەن ارەك قىزمەتكەرلەرىنە العىس ايتامىن!»، - دەپ جازدى ول.

ەسكە سالا كەتسەك، 10 - قاراشادا تۇنگى ساعات ەكىدە «ليەۆوبەرەجنايا» 110/10 ك ۆ شاعىن ستانسياسىنىڭ 10 ك ۆ كابەل كانالىندا ءورت شىعىپ، كابەل لينياسى زاقىمداندى. سالدارىنان ءبىرقاتار كوشەدەگى ابونەنتتەر ەلەكتر جارىعىنان اجىراتىلا باستادى. بۇلار - قونايەۆ، سىعاناق، تۇركىستان، الماتى جانە دوستىق كوشەلەرىندەگى بارلىعى 25 نىسان مەن 7 تۇرعىن ءۇي كەشەنى. ولاردىڭ اراسىندا اقوردا، پارلامەنت سەناتى مەن ءماجىلىسى، مينيسترلىكتەر ءۇيى، ۇكىمەت ءۇيى، جوعارعى سوت، ۇلتتىق كىتاپحانا، ۇلتتىق مۇراعات عيماراتتارى، «بايتەرەك» مونۋمەنتى بار. 11- قاراشا، تاڭەرتەڭگى ساعات 07.00-دە ەنەرگيا جارتىلاي بەرىلە باستادى.

مەملەكەت باسشىسى قاسىم- جومارت توقايەۆ ورىن العان اپاتقا بايلانىستى ۇكىمەتكە ارنايى كوميسسيا قۇرۋدى تاپسىردى.

بۇگىن ءتۇس اۋا ۇكىمەت باسشىسىنىڭ ورىنباسارى رومان سكلياردىڭ ءتوراعالىق ەتۋىمەن توتەنشە جاعدايدىڭ سەبەپتەرىن انىقتاۋ جونىندەگى كوميسسيانىڭ العاشقى وتىرىسى ءوتتى.

وقيعاعا بايلانىستى قىلمىستىق ءىس قوزعالىپ، ونىڭ الدىن الا سەبەبى اتالدى.

اۆتور: زارينا قاھارمان


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات