20:05, 11 - قاراشا 2019 | GMT +6
باكۋ ۋنيۆەرسيتەتىندە ابايعا ارنالعان كەش ءوتتى
باكۋ. قازاقپارات - باكۋ مەملەكەتتىك ۋنيۆەرسيتەتىندە ۇلى ابايدىڭ شىعارماشىلىعىنا ارنالعان ءىس- شارا ءوتتى، دەپ حابارلايدى «قازاقپارات» ح ا ا ءتىلشىسى.
باكۋ مەملەكەتتىك ۋنيۆەرسيتەتى جانىندا اشىلعان اباي ورتالىعىنىڭ باستاماسىمەن جۋرناليستيكا فاكۋلتەتىندە اقىن، فيلوسوف، كومپوزيتور، اعارتۋشى، ويشىل، قوعام قايراتكەرى، قازاق جازبا ادەبيەتىنىڭ نەگىزىن قالاۋشى ابايدىڭ شىعارماشىلىعىنا ارنالعان كەش ءوتتى.
ۇلى اقىننىڭ 175 جىلدىعىنا ارنالعان ءىس- شارا جۋرناليستيكا جانە فيلولوگيا فاكۋلتەتىنىڭ بارلىق ءبىلىم الۋشىلارى ءۇشىن مىندەتتى بولىپ تابىلاتىن «تۇركى حالىقتارىنىڭ ادەبيەتى» كۋرسى بويىنشا ستۋدەنتتەردىڭ ءبىلىمىن جەتىلدىرۋگە باعىتتالعان.
اباي ولەڭدەرىن وقۋمەن باستالعان كەش، ونىڭ «قارا سوزدەرى» بويىنشا پىكىرتالاستارمەن جالعاستى.
