ەلوردادا جاستارعا بەرىلەتىن پاتەرگە ءوتىنىش قابىلداۋ مەرزىمى ۇزارتىلدى

نۇر- سۇلتان. قازاقپارات - ەلوردادا جۇمىس ىستەيتىن جاستاردان ساتىپ الۋ قۇقىعىنسىز جالدامالى پاتەرگە ءوتىنىش قابىلداۋ مەرزىمى ءبىر كۇنگە ۇزارتىلدى، دەپ حابارلايدى قازاقپارات ءتىلشىسى.

«2019 -جىلدىڭ 11 - قاراشاسىندا ساعات 12.20 دا Smart Astana پورتالىنىڭ جۇمىسى قالپىنا كەلتىرىلدى. جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ۇيگە قۇجاتتاردى قابىلداۋ اعىمداعى جىلدىڭ 12 - قاراشاسى ساعات 22.00 گە دەيىن ۇزارتىلدى» ، - دەلىنگەن اكىمدىكتىڭ باسپا ءسوز قىزمەتى تاراتقان حابارلامادا.

ايتا كەتسەك، جاستار جىلىنا وراي ەلباسىنىڭ تاپسىرماسىمەن ق ر اقپارات جانە قوعامدىق دامۋ مينيسترلىگى مەملەكەتتىك ورگاندارمەن بىرلەسە وتىرىپ، نۇر- سۇلتان، الماتى جانە شىمكەن قالالارىندا جۇمىسشى جاستارعا تۇرعىن ءۇيدى بەرۋ بويىنشا ەرەجەلەردى بەكىتكەن بولاتىن. اتالعان تاپسىرمانى ق ر تۇڭعىش پرەزديەنتى ن. ءا. نازاربايەۆ 2019 -جىلدىڭ 23 - قاڭتارىندا جاستار جىلىنىڭ اشىلۋ سالتاناتىندا بەرگەن ەدى.

پاتەرگە ۇمىتكەردىڭ كاسىبي سالاداعى ءتيىستى ديپلومى، سەرتيفيكاتى بولۋى كەرەك. سونىمەن بىرگە، ءوتىنىم بەرگەن جاستىڭ وتباسىنىڭ جانە بالالارىنىڭ بولۋى ەسكەرىلەدى. ماسەلەن، ەگەر ءوتىنىش بەرۋشى مەكتەپ ءمۇعالىمى بولسا وعان 5 ۇپاي، وتباسىنىڭ بولۋىنا 5 ۇپاي بەرىلەدى. بالا سانىنا بايلانىستى 1 ۇپايدان، ەكىنشى دەڭگەيلى بانكتە جيناق شوتىنىڭ بولۋى 2 ۇپايدان ەسەپتەلەدى. جاستار ءۇشىن جالدامالى پاتەر بەرۋ باعدارلاماسى 2021 -جىلعا دەيىن جۇزەگە اسىرىلادى.

ءوتىنىمدى 5-10 - قاراشا ارالىعىندا تەك ەلەكتروندى تۇردە «سمارت استانا» موبيلدىك قوسىمشاسى ارقىلى بەرۋگە بولادى. جالعا بەرىلەتىن تۇرعىن ۇيگە 29 جاسقا تولماعان، جالپى ءبىلىم بەرەتىن مەكتەپتەردىڭ، تەحنيكالىق جانە كاسىپتىك، ورتا بىلىمنەن كەيىنگى، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ وقۋ جوسپارلارىن مەڭگەرگەن جانە ەڭبەك قىزمەتىن جۇزەگە اسىراتىن ازاماتتار ءوتىنىش بەرە الادى. سونىمەن قاتار، نارىقتا سۇرانىسقا يە 100 ماماندىقتىڭ تىزىمىنە سايكەس، كاسىپتى يگەرگەن ازاماتتار، جاس وتباسىلار، جاس كاسىپكەرلەر، بيۋدجەتتىك ۇيىمداردىڭ قىزمەتكەرلەرى باسىم ساناتتارعا جاتادى.