دروننىڭ كەسىرىنەن جاپونيا اۋەجايى جۇمىسىن توقتاتتى

نۇر-سۇلتان. قازاقپارات - سەنبى كۇنى جاپونيانىڭ باتىسىنداعى كانساي اۋەجايىنىڭ ۇشۋ-قونۋ جولاعى اسپاندا پيلوتسىز ۇشۋ اپپاراتىنىڭ (پ ۇ ا) پايدا بولۋىنا بايلانىستى جابىلدى، دەپ حابارلايدى قازاقپارات  Кyodo  اگەنتتىگىنە سىلتەمە جاساپ.

بۇل - ءبىر اپتا ىشىندە قايتالانىپ وتىرعان وسىنداي ەكىنشى وقيعا. ءبىرىنشىسى 7- قاراشادا ورىن العان، ول كۇنى حالىقارالىق اۋەجايدىڭ اكىمشىلىگى دروننىڭ كەسىرىنەن ۇشۋ-قونۋ جولاعىن جابۋعا ءماجبۇر بولدى. سونىڭ سالدارىنان 30 عا جۋىق رەيس كەيىنگە شەگەرىلگەن.

اۋەجايدىڭ قاۋىپسىزدىك قىزمەتى پوليتسيامەن بىرگە پ ۇ ا قوزعالىسىنىڭ تراەكتورياسىن جانە ونىڭ يەسىن انىقتاۋ ءۇشىن باقىلاۋ كامەرالارىنىڭ جازبالارىن تالدايدى. سونداي-اق، جۇما كۇنى بيلىك وكىلدەردى توكيالىق حانەدا مەن ناريتتەن كەيىنگى جاپونياداعى تاسىمال كولەمى بويىنشا ءۇشىنشى- قانساي اۋەجايى ايماعىندا قاۋىپسىزدىك شارالارى كۇشەيتىلەتىندىگىن مالىمدەدى.

جىل سايىن كانسايدى 28 ميلليونعا جۋىق جولاۋشى پايدالانادى.