+7 (701) 759 90 19
-7 °С : نۇر-سۇلتان
-1 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

قۇمدى ءشولدى كەسىپ وتەتىن ەڭ ۇزىن اۆتوباننىڭ قۇرىلىسى بىتۋگە تاياۋ - شەتەلدەگى قازاق ءتىلدى ب ا ق- قا شولۋ

9 قاراشا 12:38
:ءبولىسۋ
قۇمدى ءشولدى كەسىپ وتەتىن ەڭ ۇزىن اۆتوباننىڭ قۇرىلىسى بىتۋگە تاياۋ - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات - «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

قۇمدى ءشولدى كەسىپ وتەتىن الەمدەگى ەڭ ۇزىن اۆتوبان قۇرىلىسى اياقتالۋعا جاقىن - «جەنمين جيباو» (People Daily)

2768 شاقىرىمدى قۇرايتىن بەيجىڭ - شىنجاڭ اۆتوبانىنىڭ «سوڭعى ءبىر شاقىرىمى» قالدى، دەپ حابارلايدى قىتايدىڭ People Daily اقپاراتتىق پورتالى.


اقپارات كوزىنىڭ مالىمەتىنشە، 2017-جىلى باستالعان اۆتوباننىڭ جالپى ۇزىندىعى 2768 شاقىرىم. بۇل قىتايدىڭ اسا ۇلكەن قۇمدى ءشولىن كەسىپ وتەتىن الەمدەگى ەڭ ۇزاق اۆتوماگيسترال دەپ اتالۋدا. اتالعان جوبا شىنجاڭداعى ۋتۇڭ داچۋاننان موري قازاق اۆتونوميالى اۋدانىنا دەيىنگى بولەگىندەگى جۇمىستارى «سوڭعى ءبىر شاقىرىم» دەپ بەلگىلەندى.

«بۇل اۆتوباننىڭ قۇرىلىسى 2020-جىلى قىركۇيەكتە ءبىتىپ، قولدانىسقا بەرىلەدى دەپ كۇتىلۋدە.

اتالعان جوبا اياقتالعاندا قۇمىل قالاسىنان ۇرىمجىگە بارعاندا، بۇرىنعىداي الىس جولدى اينالىپ ءجۇرۋدىڭ قاجەتى جوق. ەندى ەكى قالانىڭ اراسى شامامەن 200 شاقىرىمداي قىسقارادى...» دەپ جازادى «جەنمين جيباو».

قازاقستان مەن وزبەكستان زيارات تۋريزمىن بىرلەستىرمەك - «ءو ز ا» اقپاراتتىق اگەنتتىگى

وزبەكستان مەن قازاقستان اراسىندا زيارات تۋريزمىنە بايلانىستى «التىن شارشى» جوباسى ىسكە اسىرىلۋى مۇمكىن.

بۇل جوبا ءو ز اياسىنا قازاقستاننىڭ وڭتۇستىگىندە ورنالاسقان تۇركىستانداعى قوجا احمەت ياسساۋي مەن وزبەكستان اۋماعىنداعى قوڭىرات جەرىندەگى حاكىم اتا (ياسساۋيدىڭ شاكىرتى)، سونداي-اق وسىنداعى زاڭگىاتا (ياسساۋيدىڭ شاكىرتى) مەن تۇركىستانداعى ارىستانباب (ياسساۋيدىڭ ۇستازى) زيارات ورىندارىن ءبىر-بىرىمەن بايلانىستىرۋدى ماقسات ەتكەن.

بۇل تۋرالى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى حابارلايدى.


بۇل جونىندە 4- قاراشا كۇنى تۇركىستانداعى وتكەن حالىقارالىق تۋريستىك فورۋمدا وزبەكستان پرەمەر-ءمينيسترىنىڭ ورىنباسارى ازيز ابدۋحاكيموۆ ءمالىم ەتكەن.


«قازىرگى كۇندە وزبەكستاننىڭ تۋريزم سالاسى ءبىرشاما العا باسىپ كەلەدى. ويتكەنى وسىعان دەيىنگى جاسالىپ جاتقان جۇمىستار ءوز جەمىسىن بەرە باستادى. وتكەن 2018-جىلدا ەلگە 5 ميلليوننان استام تۋريست كەلگەن بولسا، بيىل وسى كورسەتكىشتى جىل سوڭىنا دەيىن 6,5 ميلليونعا جەتكىزۋدى ماقسات ەتىپ وتىرمىز. ارينە، تۋريستەر اعىمى ارتقان سايىن ەل ەكونوميكاسى دا العا جىلجيدى دەگەن ءسوز. 2018-جىلدا تۋريزمنىڭ ج ءى ءو- دەگى ۇلەسى 1 ميلليارد دوللاردى قۇرادى. ال بيىل بۇل سوما 1,3 ميلليارد دوللارعا جەتەدى دەپ وتىرمىز. سوندىقتان ەڭ اۋەلى بىزدەر كورشى ەلدەرمەن وسى سالادا مىقتى بايلانىستار ورناتىپ، ەكى جاققا دا ءتيىمدى بولعان ورتاق جوبالاردى جۇزەگە اسىرۋعا ارەكەتتەمىز. قازىردە قازاقستان مەن وزبەكستان اراسىندا قانشاما مەموراندۋمدار جاساعانبىز»، - دەدى ازيز ابدۋحاكيموۆ.


بايان-ولگي ايماعىنىڭ نەگىزگى الەۋمەتتىك كورسەتكىشتەر سەرپىنى قانداي؟ - kaznews

وسى اپتا موڭعوليالىق kaznews اقپاراتتىق پورتالىندا بايان-ولگي ايماعىنىڭ نەگىزگى الەۋمەتتىك كورسەتكىشتەرى، حالىق سانى، ج ءى ءو، جۇمىسسىزدىق دەڭگەيى، ەكونوميكانىڭ ءوسۋ قارقىنى، ونەركاسىپ، اۋىل شارۋاشىلىعى، بانك، جيناق، كرەديت سىندى ءارتۇرلى سالالار جايىندا جان-جاقتى توقتالعان.


اتاپ ايتار بولساق، بايان- ولگي ايماعىنىڭ حالىق سانى 2019-جىلعى 30- قىركۇيەكتەگى ستاتيستيكالىق مالىمەت بويىنشا 105590 ادامعا جەتكەن، - دەپ جازادى موڭعوليالىق ب ا ق.

ەكونوميكالىق سالالاردىڭ ءوسۋ قارقىنى بويىنشا، ونەركاسىپ سالاسىنىڭ كىرىسى 2019-جىلعى قاڭتار-قىركۇيەكتى 2018-جىلعى قاڭتار-قىركۇيەكپەن سالىستىرعاندا 11.2 پايىزعا، ساتۋ كولەمى 12.3 پايىزعا وسكەن.

جازبا سوڭىندا kaznews باسىلىمى ءسۇت پەن ءتۇبىتتىڭ باعاسى %36.4 عا ارزانداعانىن ايتادى.

ال كولىك سالاسىندا، اتالعان ايماقتىڭ جىلدىق كىرىسى ارتقان.

«2019-جىلعى قاڭتار-قىركۇيەكتە 2018-جىلعى قاڭتار-قىركۇيەككە قاراعاندا جۇك تاسىمالى 39.3 پايىزعا، جۇك اينالىمى 36,3 پايىزعا، جولاۋشىلار سانى 76,3 پايىزعا وسكەن. كولىك سالاسىنىڭ كىرىسى 984.6 ميلليون»، دەپ تۇيىندەيدى موڭعوليالىق باسىلىم.

تۇركياداعى سۋ استى مۇراجايى الەمدە ەكىنشى ورىنعا شىقتى - TRT

سيدە سۋ استى مۇراجايى اشىلعاننان وسى تاڭعا دەيىن 50 مىڭ ادامدى كۇتىپ الدى، دەپ حابارلايدى تۇركيا راديو تەلەۆيزيا پورتالى.


تۇركياداعى العاشقى سيدە سۋ استى مۇراجايى 117 مۇسىننەن قۇرالعان كوللەكتسيا ارقىلى قىزىعۋشىلاردى كوپتەپ تارتىپ جاتىر.

تۇركيالىق ب ا ق- تىڭ مالىمەتىنشە، ىستانبۇل مەن ءمارمار، ەگەي، جەرورتا تەڭىزى، قاراتەڭىز ايماقتارى تەڭىز ساۋدا پالاتاسى انتاليا فيليالى تاراپىنان ماناۆگات اۋدانىندا سالىنعان سيدە سۋ استى مۇراجايى 2015-جىلى 31-قازاندا رەسمي تۇردە اشىلدى. سودان بەرى 50 مىڭ ادام تەڭىز استىنداعى تىرشىلىكتى تاماشالاعان.


سيدە سۋ استى مۇراجايى مەكسيكاداعى 400 ءمۇسىندى سۋ استى مۇراجايىنان كەيىن 117 مۇسىنىمەن الەمدە ەكىنشى ورىندا، دەپ جازادى TRT.

اۆتور: بەيسەن سۇلتان


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات