تەننيستەن قازاقستان قۇراماسى دەۆيس كۋبوگى فينالىنا قاتىسادى
قازاقستان تەننيس فەدەراتسياسى ءمالىم ەتكەندەي، ايتۋلى دودادا الەمنىڭ ەڭ ۇزدىك 18 قۇراماسى سىنعا تۇسەدى.
قازاقستان قۇراماسى ۇلى بريتانيا جانە نيدەرلاندى تەننيسشىلەرىمەن ءبىر توپتا باق سىنايدى.
قازاقستاندىقتار 19- قاراشا كۇنى نيدەرلاندى، 21 ىندە ۇلى بريتانيا قۇراماسىمەن وينايدى.
قۇراما ساپىندا ميحايل كۋكۋشكين، الەكساندر بۋبليك، الەكساندر نەدوۆەسوۆ، اندرەي گولۋبيەۆ جانە دميتري پوپكو بار.
ەسكە سالا كەتەيىك، بۇدان بۇرىن م. كۋكۋشكيننىڭ براتيسلاۆا 2 چەللەندجەر تۋرنيرىنىڭ شيرەك فينالىنا شىققانىن جازعان بولاتىنبىز.
م. كۋكۋشكين شيرەك فينالدا بوسنيالىق دامير دجۋمحۋرمەن كەزدەستى. ەسەپ 3:6, 1:1 بولعاننان كەيىن قازاقستاندىق تەننيسشى ماتچتى جالعاستىرۋدان باس تارتتى.
سول سەكىلدى وسى جارىستا اندرەي گولۋبيەۆ پەن الەكساندر نەدوۆەسوۆ جۇپتىق سىندا جارتىلاي فينالعا دەيىن جەتتى. دەگەنمەن جارتىلاي فينالدا چەحيالىق رومان ەباۆى مەن سلوۆاكيالىق يگور زەلەنايعا 6:7 (5:7)، 4:6 ەسەبىمەن ەسە جىبەردى.
تاعى ءبىر قازاقستاندىق دميتريي پوپكو ا ق ش- تاعى نوكسۆيلل چەللەندجەر تۋرنيرىندە سلوۆەنيالىق بلاج رولادان 4:6, 4:6 ەسەبىمەن ۇتىلىپ، شيرەك فينالعا شىعا المادى.