+7 (701) 759 90 19
-7 °С : نۇر-سۇلتان
-1 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

لا-مانشتى ءجۇزىپ وتكەن قازاقستاندىق ايەلگە قوس بىردەي ماراپات تابىس ەتىلدى

9 قاراشا 10:10
:ءبولىسۋ
لا-مانشتى ءجۇزىپ وتكەن قازاقستاندىق ايەلگە قوس بىردەي ماراپات تابىس ەتىلدى

ورال. قازاقپارات - لا-مانشتى ءجۇزىپ وتكەن قازاقستاندىق انەل سىتدىقوۆاعا قوس بىردەي ماراپات تابىس ەتىلدى، دەپ حابارلايدى قازاقپارات ءتىلشىسى.

انگليانىڭ دۋۆر قالاسىندا Channel Swimming Association پرەزيدەنتى مايكل ريد ءجۇزۋ ماۋسىمىنىڭ قورىتىندىسىنا سايكەس كەشكى اس كەزىندە ەڭ ۇزدىك سۋدا جۇزۋشىلەردى ماراپاتتادى.

CSA Channel Swimming Association - لا-مانش بۇعازىن ءجۇزىپ وتكەندەردىڭ ناتيجەلەرىن تىركەيتىن جانە سەرتيفيكات بەرەتىن قاۋىمداستىق.


انەل سىتدىقوۆاعا Mercedes Gleitze Trophy جانە The Montserrat Tresserras Trophy كۋبوكتارى بەرىلدى.

Mercedes Gleitze Trophy - بريتاندىق ايەلدەر اراسىندا العاش رەت 1927-جىلى لا-مانشتى ءجۇزىپ وتكەن مەرسەدەس گلەيتتسەنىڭ قۇرمەتىنە اتالعان ماراپات. ول بۇعازدى ءار ەلدەن تۇڭعىش رەت ءجۇزىپ وتكەن ايەلگە تاپسىرىلادى. ال The Montserrat Tresserras Trophy كۋبوگىن انەل قازاقستاننان لا-مانشتى ءجۇزىپ وتكەن العاشقى ادام رەتىندە الدى.

«اسسوتسياتسيا پرەزيدەنتى مايكل ءريدتىڭ قولىنان وسىنداي قوس ماراپاتتى الۋىم - مەن ءۇشىن ۇلكەن قۇرمەت. ەندى بۇل ناگرادالار دۋۆرداعى مۋزەيدە قالادى. وندا قازاقستان اتاۋى ويىلىپ جازىلعان. بۇل - مەنىڭ ءوز ەلىمىزدىڭ الەمگە تانىلۋىنا قوسقان كىشكەنتاي بولسا دا ۇلەسىم»، دەدى قازاقپارات تىلشىسىنە انەل سىتدىقوۆا.


ەسكە سالا كەتەيىك، بۇدان بۇرىن اق جايىقتان تۇلەپ ۇشقان، قازىر وتباسىمەن انگليادا تۇراتىن انەل سىتدىقوۆانىڭ ا ق ش- تا تاعى وسىنداي ەكى ۇزاق قاشىقتىقتى ءجۇزىپ وتكىسى كەلەتىنىن جازعان بولاتىنبىز.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات