انتيبيوتيك دارىلەردى رەتسەپتىسىز ساتۋعا تىيىم سالۋ كەرەك - ماماندار

نۇر-سۇلتان. قازاقپارات -  وكپە قابىنۋى، تۋبەركۋلەز، قاننىڭ بۇزىلۋى، گونورەيا جانە تاماقتان بولاتىن اۋرۋلاردى انتيبيوتيكتەرمەن ەمدەۋ قيىنعا سوعىپ بارادى،

 دەپ حابارلايدى «حابار 24».

ونىڭ سەبەبى باكتەريالاردىڭ انتيبيوتيكتەرگە بەيىمدەلۋىندە. وسى ماسەلە قازىر الەمدىك قاۋىمداستىقتى الاڭداتىپ وتىر. بۇل تۋرالى الماتىدا دۇنيەجۇزىلىك دەنساۋلىق ساقتاۋ ۇيىمى ەۋروپالىق ايماقتىق بيۋروسىنىڭ جەتەكشىلىگىمەن وتكەن ماجىلىستە ايتىلدى.

 انتيبيوتيكتەرگە توزىمدىلىك ولاردىڭ قاتە جانە شامادان تىس قولدانىلۋىنا بايلانىستى. قازىر كەيبىر اتا- انالار انتيبيوتيكتەردى رەتسەپتسىز، ءتىپتى ۆيرۋستىق اۋرۋلارعا قارسى دا بەرەتىن بولعان.

 «سوندىقتان ولاردى دارىگەردىڭ نۇسقاۋىنسىز ساتاتىن ءدارىحانالارعا قاتاڭ تىيىم سالۋ كەرەك»، - دەيدى ماماندار.

ديناگۇل باياشيەۆا، مەديتسينا عىلىمدارىنىڭ دوكتورى، پروفەسسور:

 - انتيبيوتيك دەگەن ءتىرى ميكروورگانيزمگە قارسى جۇمىس ىستەيتىن ءدارى- دارمەك. سوندىقتان ۋاقىت وتە جاڭاعى ميكروورگانيزم انتيبيوتيككە بەيىمدەلىپ الادى. بەيىمدەلىپ، ءبىر پايدا بولعاننان كەيىن ادامنان ادامعا جۇعادى. ونى سول انتيبيوتيكپەن ەمدەۋ قيىن.

ءوز حالقىمىزدىڭ دەنساۋلىعىن ساقتاپ قالۋ ءۇشىن نەمقۇرايلى قاراماۋىمىز كەرەك بۇل ماسەلەگە. رەتسەپتىسىز انتيبيوتيكتاردى بەرۋگە بولمايدى.

www.24.kz