+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

ىستانبۇلدا قازاقستان- تۇركيا بيزنەس- فورۋمى وتەدى

8 قاراشا 20:34
:ءبولىسۋ
ىستانبۇلدا قازاقستان- تۇركيا بيزنەس- فورۋمى وتەدى

نۇر- سۇلتان. قازاقپارات - 10 - قاراشادا تۇركيانىڭ ىستانبۇل قالاسىندا ەكى ەلدىڭ مەملەكەتتىك ورگاندارى مەن ىسكەر توپتارى وكىلدەرىنىڭ قاتىسۋىمەن قازاقستان- تۇركيا بيزنەس- فورۋمى وتەدى.

بۇل جونىندە قازاقستاننىڭ تۇركياداعى ەلشىلىگىنە سىلتەمە جاساپ قازاقپارات حابارلايدى.

اتالعان فورۋمنىڭ باستى ماقساتى - قازاقستان مەن تۇركيا ىسكەر توپتارى اراسىنداعى بايلانىستى نىعايتۋدى كوزدەيتىن الاڭ قۇرىپ، ەكى مەملەكەت اراسىنداعى ساۋدا جانە ينۆەستيتسيا سالالارىنداعى ىنتىماقتاستىق پەرسپەكتيۆالارىن تالقىلاۋ.

فورۋمعا قازاقستان مەن تۇركيانىڭ ۇلتتىق كومپانيالارىنىڭ، دامۋ قورلارىنىڭ، ساۋدا پالاتالارىنىڭ باسشىلارىنىڭ، مەملەكەتتىك ورگانداردىڭ جوعارى لاۋازىمدى تۇلعالارى مەن بيزنەس وكىلدەرى قاتىسادى دەپ كۇتىلۋدە. بۇگىنگى تاڭدا ءىس- شاراعا نيەت بىلدىرگەن 700 دەن استام تۇرىك جانە 150 قازاقستاندىق كاسىپكەر تىركەلگەن.

اتالعان ءىس- شارا قازاقستان رەسپۋبليكاسىنىڭ پرەمەر- ءمينيسترى اسقار ءماميننىڭ قازاقستان- تۇركيا اراسىنداعى ساۋدا- ەكونوميكالىق ىنتىماقتاستىق جونىندەگى ۇكىمەتارالىق كوميسسياسىنىڭ 11- وتىرىسى شەڭبەرىندەگى تۇركياعا ساپارى اياسىندا ۇيىمداستىرىلادى. تۇرىك تاراپىنان ۇكىمەتارالىق كوميسسيانىڭ تەڭ ءتوراعاسى - تۇركيا رەسپۋبليكاسىنىڭ ۆيتسە- پرەزيدەنتى ف. وكتاي.

فورۋم بارىسىندا ەلىمىزدىڭ ينۆەستيتسيالىق مۇمكىندىكتەرى تانىستىرىلىپ، ەنەرگەتيكا، ماشينا جاساۋ، حيميا، تاۋ- كەن مەتاللۋرگيا جانە توقىما ونەركاسىبى، اۋىل شارۋاشىلىعى، ينفراقۇرىلىم جانە قارجى سالالارىنداعى ىنتىماقتاستىق پەرسپەكتيۆالارى تالقىلانادى.

ءىس- شارا بارىسىندا تۇرىك بيزنەسىنىڭ كاپيتاندارىمەن B2B فورماتىندا ىسكەرلىك كەزدەسۋلەر وتۋىمەن قاتار، ينۆەستيتسيا تارتۋ جانە بىرلەسكەن يندۋستريالدى ايماقتار قۇرۋ جونىندەگى، مەملەكەتتىك جانە جەكە ارىپتەستىك جوبالار جانە جۇك تاسىمالى سالالارىنداعى ءبىرقاتار ەكىجاقتى قۇجاتتارعا قول قويۋ كوزدەلىپ وتىر.

تاۋەلسىزدىگىمىزدىڭ العاشقى كۇندەرىنەن باستاپ ورناتىلعان تەرەڭ دوستىق جانە باۋىرلاستىق قارىم- قاتىناس ارقاسىندا قازاقستان مەن تۇركيا اراسىنداعى ەكونوميكالىق سالاداعى ىنتىماقتاستىق بەلسەندى دامىپ كەلەدى. وسى رەتتە تۇرىك كومپانيالارىنىڭ قازاقستانداعى ينۆەستيتسيالىق جوبالارعا دەگەن قىزىعۋشىلىعى ارتىپ وتىر. اتاپ ايتقاندا، 2019 -جىلى قازاقستاندا تۇرىك ينۆەستورلارىنىڭ قاتىسۋىمەن جالپى سوماسى 2,9 ميلليارد ا ق ش دوللارىن قۇرايتىن 18 جوبانى جۇزەگە اسىرۋ بويىنشا جۇمىس جۇرگىزىلە باستادى. قازاقستان رەسپۋبليكاسى ۇلتتىق بانكىنىڭ مالىمەتىنە سايكەس، 2019 -جىلدىڭ ءبىرىنشى جارتىجىلدىعىندا قازاقستان ەكونوميكاسىنا قۇيىلعان تۇرىك ينۆەستيتسيالارىنىڭ كولەمى 85 پايىزعا ارتىپ، 275 ميلليون ا ق ش دوللارىن قۇرادى. ءوز كەزەگىندە، تۇركيا مەن قازاقستان اراسىنداعى جىل سايىنعى سىرتقى ساۋدا اينالىمى وسى جىلدىڭ 8 ايىندا 2 ميلليارد ا ق ش دوللارىنان استى.

جوسپارلانىپ وتىرعان ءىس- شارا ىسكەرلىك قارىم- قاتىناس پەن تىكەلەي بايلانىس ورناتۋ كونتەكسىندە ءتيىمدى پلاتفورما رەتىندە ەكىجاقتى ساۋدا- ەكونوميكالىق قاتىناستى دامىتۋعا، قازاقستان مەن تۇركيا ەكونوميكاسىنا شەتەلدىك ينۆەستيتسيا تارتۋعا ىقپال ەتەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات