ەر ادام جىلان شاعىپ العان سوڭ ولىمنەن قورقىپ، ساۋساعىن كەسىپ تاستاعان

نۇر-سۇلتان. قازاقپارات -  قىتايدىڭ جىجياڭ پروۆينتسياسىنداعى ءبىر فەرمەر جىلان شاعىپ العان سوڭ قولىنىڭ سۇق ساۋساعىن كەسىپ تاستادى.

جاڭ ەسىمدى 60 جاستاعى ەر ادام جىلان شاعىپ العان كەزدە اعاش كەسىپ جاتقان. فەرمەر ونى ولتىرەتىن جىلان شابۋىلدادى دەپ شەشتى. جەرگىلىكتى اڭىز بويىنشا، ونىڭ قۇربانى بار بولعانى بەس قادام جاساي الادى، سودان كەيىن قايتىس بولادى. ۋلانۋدىڭ تارالۋىن بولدىرماس ءۇشىن جولداستارى ونىڭ ساۋساعىن كەسىپ تاستاعان.

ول جارالانعان قولىن شۇبەرەكپەن بايلاپ، جاقىن ماڭداعى حاڭجوۋ قالاسىنا دەيىن 80 شاقىرىم ءجۇرىپ بارعان. دارىگەرلەر ناۋقاسقا ونىڭ ساۋساعىن بەكەر كەسىپ تاستاعانىن ءتۇسىندىردى، ويتكەنى ۋلانۋ مۇنداي شارالاردى قابىلدايتىنداي ومىرىنە قاۋىپ توندىرمەگەن.

دارىگەرلەر جىلاننىڭ شاعۋىمەن ۇقساس بەلگىلەردى تاپپاعانىن باسا ايتتى. باس اۋرۋى، تىنىس الۋدىڭ ناشارلاۋى دەگەن سەكىلدى. دەگەنمەن، ناۋقاسقا ۋلانۋعا قارسى ءدارى بەرىپ، جارانى تاڭىپ بەردى. جاڭ كەسىلگەن ساۋساعىن اۋرۋحاناعا اكەلمەگەن، سوندىقتان حيرۋرگتەر ونى قايتادان تىگە المادى. قازىرگى ۋاقىتتا ەر ادام ەمدەلىپ جاتىر. ول ءساۋىر ايىندا كورشىسى جىلان ۋىنان قايتىس بولعانىن، سوندىقتان اجالداپ قورقىپ ساۋساعىن كەسۋگە كونگەنىن ايتتى. 

دەرەككوز: stan.kz