يران زاۋىتتارى جىل سايىن ءبىر ميلليون اۆتوموبيل ەكسپورتتاۋدى كوزدەپ وتىر
سوندىقتان جەرگىلىكتى جۇرگىزۋشىلەر وتاندىق ءونىمدى تاڭدايدى. ال ەلدە 25 ءىرى اۆتوزاۋىت جۇمىس ىستەيدى. اۆتوءوندىرىس سالاسى يراندا مۇناي مەن گازدان كەيىنگى ورىندا تۇر. ەلدىڭ جالپى ىشكى ونىمىندە جەڭىل اۆتوكولىكتەردىڭ ۇلەسىنە % 12- ءى ءتيىپ تۇر.
وتكەن جىلى بۇل سالا 27 ميلليارد دوللار تابىس اكەلگەن. ونىڭ 9 ميللياردى قوسالقى بولشەكتەر ءوندىرىسى. جەرگىلىكتى ينجەنەرلەر الداعى بەس جىلدا بۇل كورسەتكىشىن ەكى ەسە ارتتىرۋدى كوزدەپ وتىر.
موحامماددجاۆاد كاشاني، كولىك يەسى:
- شەتەلدىك اۆتوكولىك يەسىنىڭ بەدەلىن كوتەرسە دە، ونىڭ ءمانىسى جوق. ءتىپتى داۋلەتى اسقان ادامدار دا مۇنى ىسىراپ دەپ سانايدى. بىزدە Peugeot اۆتوموبيلدەرى كەڭىنەن تاراعان، ءبىراق ونىڭ تەك قوزعالتقىشى عانا فرانسيالىق، قالعانىن ەلىمىزدە جاسايدى.
«ساماند پەن دەنا» - تازا يراندىق ءونىم، ولار دا جولداردا ءجيى كەزدەسەدى. بۇل كولىكتەر تاياۋ شىعىس ەلدەرى مەن رەسەيگە ەكسپورتتالادى. دامىعان اۆتووندىرىستىڭ باستى كەمشىلىگى - قورشاعان ورتاعا كەلتىرەتىن زيانى. ءىرى قالالاردا تۇتىننەن كوز اشا المايسىڭ. سوڭعى جىلدارى جەرگىلىكتى وندىرۋشىلەر بۇل ماسەلەنى شەشۋگە كىرىسىپ، ەكولوگيالىق تازا قوزعالتقىشتى جاساۋ بويىنشا ءوز يدەيالارىن ۇسىنعان. سونداي- اق ەلەكتروكارلاردى جاپپاي شىعارۋ تۋرالى كەلىسسوزدەر جۇرگىزىلىپ جاتىر. ايتا كەتەر ءبىر جايت، الەمدەگى العاشقى اقىلدى ەلەكتروكاردى يراندىق ينجەنەرلەر ويلاپ تاپقان.
موحامماد- رەزا موحسەني، اۆتوكولىكتەر ساۋداسىمەن اينالىساتىن كاسىپكەر:
- يران الەمدىك اۆتووندىرىستە ريەۆوليۋتسيا جاسايتىنىنا ءۇمىتىمىز بار. قازىردىڭ وزىندە كوپ جەتىستىكتەرىمىز بار. جەر گراۆيتاتسياسىنان ىستەيتىن جانە قوسىمشا قۋاتتاۋدى قاجەت ەتپەيتىن اككۋمۋلياتورلاردىڭ ءوزى ناعىز رەفورما سانالادى. سونداي- اق جاپپاي وندىرىسكە ەنگەن الەمدەگى العاشقى گاز قوزعالتقىشىن شىعاردىق.
دەگەنمەن، جەرگىلىكتى اۆتووندىرىستىڭ سىنشىلارى دا جەتكىلىكتى. ولار ساپاسى شەتەلدىك كولىكتەردەن تومەن ەكەنىن العا تارتادى. الايدا، بيلىك وكىلدەرى مۇنىڭ سەبەبى سانكسيالاردا جاتىر دەيدى. 2012 -جىلدان بەرى يراندىق اۆتووندىرۋشىلەر قيىن كەزەڭدى باستان كەشىرىپ وتىر. الايدا كەلەسى جىلى قارقىنىن كۇشەيتىپ، جىل سايىن ءبىر ميلليون ماشينا ەكسپورتتاۋدى كوزدەپ وتىر.
www.24.kz