ەلىمىزدە ماشينا جاسايتىن جاڭا زاۋىت سالىنۋى مۇمكىن
اۆتوزاۋىتتىڭ جوباسىن «بيپەك اۆتو» مەن «ازيا اۆتو» كومپانيالارى بىرلەسىپ جاساعان. ونى دامىتۋ ءۇشىن قازىردىڭ وزىندە 80 ميلليون ا ق ش دوللارى ءبولىندى.
قازاقستاندا اۆتوكولىك ءوندىرىسى ارتادى. وسى ماقساتتا جىلىنا 60 مىڭ تەمىر تۇلپار شىعاراتىن ماشينا جاساۋ زاۋىتى سالىنۋى مۇمكىن. ونىڭ جوباسى ومبى قالاسىندا ءوتىپ جاتقان XVI ءوڭىرارالىق ىنتىماقتاستىق فورۋمىندا تانىستىرىلادى. تولىق سيكلدى زاۋىتتىڭ قۇرىلىسىن «بيپەك اۆتو» مەن «ازيا اۆتو» كومپانيالار توبى ءوز بيۋدجەتىنەن قارجىلاندىرماق. قازىردىڭ وزىندە قازاقستان اۆتونارىعىنداعى قوس الىپ جوبانى جۇزەگە اسىرۋعا 80 ميلليون ا ق ش دوللارىن ءبولدى. مۇندا جاسالعان ماشينالار قازاقستانمەن قاتار ەۋرازيالىق ەكونوميكالىق وداق ەلدەرىنىڭ نارىعىنا باعىتتالادى.
ايتا كەتەيىك، سوڭعى جىلدارى مەملەكەت وتاندىق اۆتووندىرۋشىلەردى قولداۋعا باسىمدىق بەرىپ كەلەدى. وسى ماقساتتا 2015 -جىلى كولىكتەردى جەڭىلدەتىلگەن نەسيەمەن ساتۋ باعدارلاماسى ىسكە قوسىلدى. بۇگىنگە دەيىن وعان 42 ميلليارد تەڭگە ءبولىندى. بۇدان بولەك، ۇلتتىق بانك قازان ايىندا اۆتوكولىكتى نەسيەلەۋگە ءجۇز ميلليارد تەڭگە ءبولدى. بۇل قارجى بەس جىلدا كەزەڭ- كەزەڭىمەن يگەرىلەدى.
www.24.kz