قاسىم- جومارت توقايەۆ فرانسۋز ساياسي قايراتكەرى جاك اتتاليدى قابىلدادى

نۇر- سۇلتان. قازاقپارات - قاسىم- جومارت توقايەۆ فرانسۋزدىڭ بەلگىلى ساياسي قايراتكەرى، «Attali and Associes» اسسوتسياتسياسىنىڭ پرەزيدەنتى جاك اتتاليدى قابىلدادى. بۇل جونىندە اقوردانىڭ رەسمي سايتىنا سىلتەمە جاساپ قازاقپارات حابارلايدى.

كەزدەسۋ بارىسىندا حالىقارالىق كۇن تارتىبىندەگى وزەكتى ماسەلەلەر، قازاقستان مەن فرانسيا اراسىنداعى ەكىجاقتى ىنتىماقتاستىقتىڭ دامۋ پەرسپەكتيۆالارى، سونىڭ ىشىندە فرانسيا پرەزيدەنتى ەممانۋەل ماكروننىڭ الداعى ۋاقىتتا قازاقستانعا جوسپارلانعان رەسمي ساپارىنىڭ بارىسى تالقىلاندى.

فرانسۋز ساياساتكەرى قازاقستان پرەزيدەنتىنە كەزدەسۋگە مۇمكىندىك جاساعانى ءۇشىن العىس ايتىپ، ەلىمىزدە جۇرگىزىلىپ جاتقان رەفورمالارعا جوعارى باعا بەردى.