قازاقستان مەن وڭتۇستىك كورەيا اقپارات اگەنتتىكتەرىنىڭ باسشىلارى ىنتىماقتاستىق پەرسپەكتيۆالارىن بەلگىلەدى
«قازاقپارات» ح ا ا باس ديرەكتورى اسقار ۋماروۆ پەن «رەنحاپ» باسشىسى چو سونگ بۋ (Cho Sung-boo) بىرلەسكەن جوبالاردى ىسكە اسىرۋ جوسپارلارى مەن پەرسپەكتيۆالاردى بەلگىلەپ، ىنتىماقتاستىق تۋرالى مەموراندۋمنىڭ شارتتارىن جاڭالادى. كەلىسسوز كەزىندە ەكى اگەنتتىك اراسىنداعى ەكونوميكالىق اقپاراتتار بلوگىن كەڭەيتۋ جانە وسى باعىتتاعى دەرەكتەر الماسۋدى كەڭەيتۋدىڭ جوباسى ۇسىنىلدى.
چو سونگ بۋ مىرزا قازاقستان زور جەتىستىكتەرگە جەتىپ وتىرعانىن، ءارى اقپاراتتىق، ءارى مادەني- گۋمانيتارلىق باعىتتاردا ءوزارا ءتيىمدى ىنتىماقتاستىق جاساۋ ءۇشىن ماڭىزدى ەل ەكەنىن ايتتى.
«قازاقپارات» ح ا ا باس ديرەكتورى اسقار ۋماروۆ وڭتۇستىك كورەيانىڭ بۇگىنگى جەتىستىكتەرىنە قۋاناتىنىن تىلگە تيەك ەتتى.
تاراپتار حالىقارالىق ىنتىماقتاستىقتى قولداۋعا جانە اقپاراتتىق كەڭىستىكتەگى بىرلەسكەن جوبالاردى دامىتۋعا كەلىستى.