ەلوردادا لاتىن گرافيكاسى نەگىزىندەگى جاڭا ءالىپبي جوبالارى تالقىلاندى

 نۇر- سۇلتان. قازاقپارات - ەلوردادا «لاتىن گرافيكاسى نەگىزىندەگى جاڭا ءالىپبي جوبالارى» اتتى ۇلتتىق كوميسسيا جانىنان قۇرىلعان ورفوگرافيالىق جانە ادىستەمەلىك جۇمىس توپتارىنىڭ بىرىككەن سەمينار- كەڭەسى ءوتتى، دەپ حابارلايدى قازاقپارات ءتىلشىسى.

«ق ر مادەنيەت جانە سپورت مينيسترلىگىنىڭ ءتىل ساياساتى كوميتەتى مەن شايسۇلتان شاياحمەتوۆ اتىنداعى «ءتىل- قازىنا» ۇلتتىق عىلىمي- پراكتيكالىق ورتالىعىنىڭ ۇيىمداستىرۋىمەن «لاتىن گرافيكاسى نەگىزىندەگى جاڭا ءالىپبي جوبالارى» اتتى ۇلتتىق كوميسسيا جانىنان قۇرىلعان ورفوگرافيالىق جانە ادىستەمەلىك جۇمىس توپتارىنىڭ بىرىككەن سەمينار- كەڭەسى ءوتتى. سەمينار كەڭەستىڭ ماقساتى - قوعام مۇشەلەرى مەن جەكەلەگەن اۆتورلار تاراپىنان ۇسىنىلعان ءالىپبي جوبالارىن عالىمدار مەن ساراپشىلار تالقىسىنا سالۋ. قازاق جازۋىنىڭ ورفوگرافيالىق پرينتسيپتەرىنە سۇيەنە وتىرىپ ۇسىنىلعان جوبالاردىڭ ارتىقشىلىقتارى مەن كەمشىلىكتەرى سارالانىپ، قورىتىندى جاسالدى»، - دەلىنگەن مادەنيەت مينيسترلىگى تاراتقان اقپاراتتا.

ۆەدومستۆو مالىمەتىنشە، سەمينارعا ق ر مادەنيەت جانە سپورت ۆيتسە- ءمينيسترى نۇرعيسا داۋەشوۆ، ق ر مادەنيەت جانە سپورت مينيسترلىگى ءتىل ساياساتى كوميتەتىنىڭ ءتوراعاسى عالىمجان مەلدەشوۆ، «ءتىل- قازىنا» ۇلتتىق عىلىمي- پراكتيكالىق ورتالىعىنىڭ اتقارۋشى ديرەكتورى ەربول تىلەشوۆ، «نۇر- وتان» حالىقتىق پارتياسىنىڭ «ميراس» رەسپۋبليكالىق قوعامدىق كەڭەسى مۇشەلەرى، قوعام قايراتكەرى ورازگۇل اسانعازى، سەنات دەپۋتاتتى جانە ورفوگرافيالىق، ادىستەمەلىك جۇمىس توبىنىڭ مۇشەلەرى مەن ساراپشى عالىمدار، سونداي- اق تالقىلاناتىن ءالىپبي جوبالارىنىڭ اۆتورلارى ارمان بايقادام، قانات نۇرباي، قۋانتقان ۆانوۆ، جاندوس تەمىرعالي قاتىستى.

سەمينار بارىسىندا ورفوگرافيالىق، ادىستەمەلىك جۇمىس توپتارى

 «Bailatyn», «Kazak Grammar», «Q.Vanov», «J.Temirgali» ءالىپبي جوبالارىن تالقىلادى.

تالقىلاۋعا احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ پروفەسسورلارى زەينەپ بازاربايەۆا، قۇرالاي كۇدەرينوۆا، عىلىمي قىزمەتكەر اينۇر سەيىتبەكوۆا، اباي اتىنداعى قازاق ۇلتتىق پەدوگوگيكالىق ۋنيۆەرسيتەتىنىڭ پروفەسسورى تاڭات اياپوۆا، ءال- فارابي اتىنداعى قازاق ۇلتتىق ۋنيۆەرسيتەتىنىڭ دوتسەنتى ءلاززات الىمتايەۆا، ل. ن. گۋميليەۆ اتىنداعى ەۋرازيا ۇلتتىق ۋنۆەرسيتەتىنىڭ دوتسەنتتەرى ءلاززات ەسپەكوۆا، قارلىعاش سارەكەنوۆا، ە. بوكەتوۆ اتىنداعى قاراعاندى مەمەلەكەتتىك ۋنيۆەرسيتەتىنىڭ دوتسەنتى مارحابا تۇرسىنوۆا، نازاربايەۆ ۋنيۆەرسيتەتى، ش. شاياحمەتوۆ اتىنداعى ء«تىل- قازىنا» ۇلتتىق عىلىمي- پراكتيكالىق ورتالىعى عالىمدارى مەن IT ماماندار قاتىسىپ، ءوز پىكىرىن ءبىلدىردى.

اۆتور مارلان جيەمباي