+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

ناننىڭ پايداسى مەن زيانى: ناندى كوپ جەيتىندەر نەنى ءبىلۋى كەرەك

8 قاراشا 15:49
:ءبولىسۋ
ناننىڭ پايداسى مەن زيانى: ناندى كوپ جەيتىندەر نەنى ءبىلۋى كەرەك

نۇر-سۇلتان. قازاقپارات - ءبىر بولكە قارا ناننىڭ اق نانعا قاراعاندا پايدالى ەكەنى راس پا؟ ال ناندى ەتپەن جەۋگە بولمايدى دەگەنگە سەنۋگە بولا ما؟ جانە گليۋتەننەن قورقۋىمىز كەرەك پە؟

ءبىزدىڭ ويىمىزشا: نان تەزىرەك تويۋعا جانە ۇزاق ۋاقىت توق جۇرۋگە كومەكتەسەدى، سوندىقتان ودان باس تارپاۋ كەرەك.

شىندىعىندا: ەگەر ارتىق سالماعىڭىز بولسا جانە ونىڭ ۇلعايعانىن قالاماساڭىز، نانعا شەكتەۋ قويعان ءجون. نان - ايتارلىقتاي قۇنارلى تاعام. باستىسى، ونى جۇمساق سۇرىپتى ۇننان جاسايدى. ءوز كەزەگىندە ول جىلدام گليۋكوزاعا اينالادى. ناننىڭ گليكەميالىق يندەكسى جوعارى، سوندىقتان قانداعى قانت مولشەرىنىڭ ارتۋىنا، ارتىق سالماق قوسۋعا جانە باۋىردا ماي جينالۋىنا ىقپال ەتەدى. دەمەك نان جەۋگە بولماي ما؟ ءيا، سەمىزدىكتەن زارداپ شەگەتىندەرگە باس تارتقان ءجون. ال وزگەلەرىنە ناننىڭ نەگىزگى تاعامدى تولىقتىرۋشى دەپ قابىلدانعانىمەن، نەگىزگى اسقا قاراعاندا، ناننىڭ قۇرامىندا كالوريا مەن جەڭىل كومىرسۋلار كوبىرەك ەكەنىن ەستەن شىعارماعان ابزال. ءار نارسەنىڭ بەلگىلى ءبىر مولشەرى بار. ءبىر ءتىلىم ناننىڭ سالدارىنان كالوريانىڭ تاۋلىكتىڭ نورمادان ازداپ اسۋى ايلار مەن جىلداردان كەيىن ارتىق سالماققا الىپ كەلىپ، ەكىنشى دارەجەلى قانت ديابەتىنە شالدىعۋ قاتەرىن ارتتىرادى.

ءبىزدىڭ ويىمىزشا: اق نانعا قاراعاندا قارا نان پايدالىراق.

شىندىعىندا: ەكى ناننىڭ قۇرامى، كومىرسۋلاردىڭ مولشەرى مەن قۇنارلىلىعى بويىنشا ءبىر- بىرىنەن ايىرماشىلىعى از. قانت ديابەتىنە شالدىققاندا اق ناندى قارا تۇرىنە الماستىرۋعا بولادى دەگەن سوزدەر اڭىز بولىپ تابىلادى. ولاردىڭ اراسىنداعى جالعىز ايىرماشىلىق، قارا نانداعى كومىرسۋلاردىڭ كوزى - قارابيداي ۇنى. ول قىشقىلىراق، سوندىقتان اسقازان ءسولىنىڭ وڭەشكە تۇسۋىنەن زارداپ شەگەتىندەردە اۋرۋدىڭ اسقىنۋىن تۋدىرادى.

ءبىزدىڭ ويىمىزشا: ناننىڭ گليۋتەنسىز ءتۇرىن جەگەن دۇرىس. سەبەبى گليۋتەن زيان.

شىندىعىندا: گليۋتەنسىز نان - بۇل كۇرىش نەمەسە جۇگەرى ۇنىنان جاسالعان نان. جۇگەرى ۇنىنان جاسالعان جۇقا نان - الەمدەگى كوپتەگەن حالىقتاردىڭ اسحاناسىنىڭ اجىراماس ءبىر بولشەگى. ولار وتە ءدامدى. الايدا مەديتسينا تۇرعىسىنان قاراعاندا، ونىڭ كادىمگى اق نەمەسە قارا ناننان ايىرماشىلىعى جوق. ءبىر عانا ايىرماشىلىعى - ولاردىڭ قۇرامىندا گليۋتەن، ياعني كەي ادامداردا ىشەكتىڭ قابىنۋىن تۋدىراتىن اقۋىز جوق. ىشەكتىڭ گليۋتەنمەن زاقىمدالۋى سەلياكيا (گليۋتەندى ەنتەروپاتيا) دەپ اتالادى جانە شامامەن ادامداردىڭ 1 پايىزىندا كەزدەسەدى. بۇگىندە «جەلىلىك ساراپشىلاردان» «ىشەكتىڭ تەسىلۋى» مەن ۋلى گليۋتەن تۋرالى اڭگىمەلەردى ءجيى ەستۋگە بولادى. ولار گليۋتەنسىز ديەتانى قاجەت ەتپەيتىن ادامدارعا اعزاسىنىڭ گليۋتەندى كوتەرە المايتىنىن دالەلدەمەستەن نەمەسە ول ءۇشىن IgG4 انتيدەنەلەردى انىقتاۋعا ارنالعان قان تالداۋىن پايدانالىپ، ديەتانىڭ وسى ءتۇرىن ۇسىنىپ جاتادى. ال شىندىعىندا سەلياكيانى انىقتاۋ جولى مۇلدەم باسقا. ەگەر سىزدەن مۇنداي دياگنوز انىقتالماسا، ناننىڭ قانداي ۇننان جاسالعانىنىڭ ايرماشىلىعى جوق.

ءبىزدىڭ ويىمىزشا: اشىتقى قوسىلعان نان گاز ءتۇزىلۋىن تۋدىرادى، سوندىقتان ونى جەمەگەن دۇرىس.

شىندىعىندا: كەز كەلگەن نان گاز ءتۇزىلۋىن تۋدىرا الادى. ىشەكتەگى باكتەريالار ناننىڭ قۇرامىنداعى «جەڭىل كومىرسۋلاردان» گاز جانە ءسۇت قىشقىلىن جاسايدى. الايدا مۇنداي قۇبىلىس بارلىق ادامدا بولا بەرمەيدى. تەك اش ىشەكتە باكتەريالاردىڭ كوبەيۋى سيندرومى كەزىندە عانا كەزدەسەدى. ءوز كەزەگىندە ول قانت ديابەتى، سەمىزدىك جانە قۇرامىندا كومىسۋلار كوپ تاعامداردى شەكتەن تىس مولشەردە جەۋمەن قاتار جۇرەدى. بۇل پروتسەسكە اشىتقىنىڭ قاتىسى جوق. سونىمەن قاتار ول قامىردى اشىتقانىمەن، ءپىسىرۋ كەزىندە جويىلىپ كەتەدى. ال «اشىتقىسىز نانداردا» ءدال سول اشىتقى پايدالانىلادى، الايدا ۇيىتقى تۇرىندە.

ءبىزدىڭ ويىمىزشا: ناندى ەتپەن جەمەگەن دۇرىس. بۇل اس قورىتىلۋىن قيىنداتادى.

شىندىعىندا: قيىنداتپايدى. «تاعامداردى ارالاستىرماي جەۋ» - عىلىمي تاجىريبە ەمەس. استىڭ قورىتىلۋى ۇيقى بەزىنىڭ فەرمەنتتەرى ارقىلى جۇزەگە اسادى. ال ناندى قورىتاتىن اميلازا جانە ەتتى قورىتاتىن تريپسين ي ليپازا فەرمەنتتەرى قاتار بولىنەدى جانە ءبىر- ءبىرىنىڭ جۇمىسىنا كەدەرگى كەلتىرمەيدى.

ءبىزدىڭ ويىمىزشا: جاڭا پىسكەن ناننان باس تارتقان ءجون. سەبەبى ول دا اۋىر قورىتىلادى جانە ىشەكتە جايسىزدىق تۋدىرۋى مۇمكىن.

شىندىعىندا: جاڭا پىسكەن نان ۇزاعىراق قورىتىلادى. جاڭا پىسكەن ناندى كوپ جەگەن ادامداردا ىشەك بىتەلۋى بولعان جاعدايلار بەلگىلى. سونىمەن قاتار جاڭا پىسكەن نان رەفليۋكس (اسقازان ءسولىنىڭ وڭەشكە ءتۇسۋى) تۋدىرۋى مۇمكىن. الايدا ونى بەلگىلى ءبىر مولشەردە عانا جەسە، زيانى جوق.

ارينە، ناننىڭ زيانى كوپ سياقتى بولىپ كورىنۋى مۇمكىن. الايدا ونىڭ دۇرىس پايدالانۋدى قاجەت ەتەتىن اسپازدىق قۇرال سياقتى ەكەنىن ءتۇسىنۋ كەرەك. كەز كەلگەن تاعامدى كوپ جەۋدىڭ ءوز قاتەرى بار. سوندىقتان مولشەرىن ءبىلىپ جەۋ كەرەك. اس اتاسى سانالاتىن نان كەز كەلگەن ءۇيدىڭ داستارحانىنا مىندەتتى تۇردە قويىلادى. ەگەر ونى كوپ جەۋدىڭ زيانى قانداي ەكەنىن بىلسەڭىز، قيىندىقتار بولمايتىنى انىق.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات