15:29, 08 - قاراشا 2019 | GMT +6
قاسىم- جومارت توقايەۆ ۆلاديمير پۋتينگە «اباي جولى» رومانىن سىيلادى
ومبى. قازاقپارات - ومبى قالاسىنداعى ىنتىماقتاستىق فورۋمىنىڭ رەسمي شارالارىنان كەيىن مەملەكەتتەر باسشىلارى ءبىر- بىرىنە ەستەلىك رەتىندە سىيلىق جاسادى.
بۇل جونىندە قازاقستان پرەزيدەنتىنىڭ باسپا ءسوز حاتشىسى بەرىك ۋاليگە سىلتەمە جاساپ قازاقپارات حابارلايدى.
«ۆلاديمير پۋتين قاسىم- جومارت توقايەۆقا ءمارمار مەن مالاحيتتان جاسالىپ، كۇمىسپەن كۇپتەلىپ، التىنمەن اپتالعان شاحمات تارتۋ ەتتى. قازاقستان پرەزيدەنتى رەسەيلىك ارىپتەسىنە ۇلت ۇستازى، حالقىمىزدىڭ ۇلى ويشىلى اباي قۇنانباي ۇلىنىڭ 175جىلدىعىنا وراي ارنايى تارتۋ- تارالعى رەتىندە شىعارىلعان مۇحتار اۋەزوۆتىڭ «اباي جولى» رومانىنىڭ ەكى تومىن سىيلادى» دەپ جازدى بەرىك ءۋالي Facebook پاراقشاسىندا.