13:40, 08 - قاراشا 2019 | GMT +6
ۆلاديمير پۋتين قاسىم-جومارت توقايەۆتى ومبى اۋەجايىندا شىعارىپ سالدى
نۇر-سۇلتان. قازاقپارات - قازاقستان مەن رەسەي ءوڭىرارالىق ىنتىماقتاستىق فورۋمى ىسكەرلىك باعىتتا وتكەنىمەن، كەزدەسۋلەردە دوستىق نيەت ايقىن كورىنىپ تۇردى، دەپ جازدى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا
.
«قاسىم-جومارت كەمەل ۇلى توقايەۆ پەن ۆلاديمير ۆلاديميروۆيچ پۋتيننىڭ كەلىسسوزدەرى، فورۋمنىڭ جالپى وتىرىسى سىندارلى ءارى ساليقالى سيپاتتا ءوتتى. ەكى ەلدىڭ كوشباسشىلارى تالقىلانعان بارلىق ماسەلەلەر بويىنشا ءبىر پىكىردە بولدى، ورتاق شەشىمگە كەلدى.
رەسەي پرەزيدەنتى ۆلاديمير پۋتيننىڭ قازاقستان پرەزيدەنتى قاسىم-جومارت توقايەۆقا ەرەكشە قۇرمەتى مەن ءىلتيپاتى ونىڭ ومبى اۋەجايىنا دەيىن كەلىپ، ارىپتەسىن ءوزى ارنايى شىعارىپ سالعانىنان انىق بايقالدى»، دەلىنگەن حابارلامادا.
