14:45, 08 - قاراشا 2019 | GMT +6
الداعى دەمالىس كۇندەرى اۋا رايى قالاي بولادى؟
نۇر-سۇلتان. قازاقپارات - ەلىمىزدە قايتادان كۇن سۋىتادى. جاڭبىر، قار جاۋىپ، كوكتايعاق بولادى. دەپ حابارلايدى قازاقپارات قازگيدرومەتكە سىلتەمە جاساپ.
«دەمالىس كۇندەرى قازاقستان اۋماعىمەن وڭتۇستىك-شىعىس باعىتتاعى اتموسفەرالىق اعىندار كوشەدى، سوندىقتان كوپتەگەن وبلىستاردا جاۋىن-شاشىن، جاڭبىر، قار جاۋىپ، كوكتايعاق بولادى، تۇمان ءتۇسۋى ىقتيمال. اتلانتيكالىق جىلى اۋا ماسسالارىنىڭ باتىس باعىتتا جىلجۋى بىرتىندەپ سولتۇستىك-باتىسقا اۋىسادى، سوعان بايلانىستى اركتيكالىق تەڭىزدەردەن سۋىق اۋا ماسسالارى كەلەتىندىكتەن ەلىمىزدە تاعى دا كۇن سۋىتادى»، دەلىنگەن 9-11- قاراشاعا ارنالعان اۋا رايى بولجامىندا.