+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

نيۋ-يورك سوتى ترامپقا ەكى ميلليون دوللار ايىپپۇل سالدى

8 قاراشا 14:14
:ءبولىسۋ
نيۋ-يورك سوتى ترامپقا ەكى ميلليون دوللار ايىپپۇل سالدى

نۇر-سۇلتان. قازاقپارات – نيۋ-يورك سوتى ا ق ش پرەزيدەنتى دونالد ترامپتى بىرنەشە كوممەرتسيالىق ەمەس ۇيىمعا ەكى ميلليون دوللار كولەمىندە ايىپپۇل تولەۋگە مىندەتتەدى.

پروكۋراتۋرا ورگاندارى ا ق ش پرەزيدەنتىن Trump Foundation قايىرىمدىلىق قورىن جەكە ساياسي جانە بيزنەس مۇددەسى ءۇشىن پايدالاندى دەپ ايىپتادى. بۇل اقپاراتتى «امەريكا داۋىسى» سايتى حابارلادى.

نيۋ-يوركتىڭ باس پروكۋراتۋراسى 2018-جىلى جازدا سوتقا شاعىم تۇسىرگەن. وندا ترامپ پەن ونىڭ ءۇش بالاسىنىڭ سايلاۋ كامپانياسىن قارجىلاندىرۋ تۋرالى زاڭنامانى بۇزعانى ايتىلعان. قوردىڭ كومەگىمەن جينالعان ءۇش ميلليون دوللارعا جۋىق قاراجات ترامپتىڭ 2016-جىلعى سايلاۋالدى كامپانياسى كەزىندە قولدانىلعان. پروكۋراتۋرا دەرەگىنشە، ترامپ قارجىنىڭ ءبىر بولىگىن قاجەتىنە جاراتقان.

ترامپ قور اقشاسىن پايدالانۋ تۋرالى شەشىمدى ءوزى قابىلداعانىن مويىندادى. نيۋ-يوركتىڭ باس پروكۋراتۋراسى مەن پرەزيدەنت ايىپپۇل كولەمىن سۋديا شەشەدى دەپ كەلىسكەن.

وتكەن ايدا ترامپتىڭ زاڭگەرلەرى جانە نيۋ-يوركتىڭ باس پروكۋراتۋراسى قوردى تاراتىپ، ونىڭ قارجىسىن كوممەرتسيالىق ەمەس ۇيىمدارعا ۇلەستىرۋگە كەلىسكەن.

ترامپ تولەيتىن ايىپپۇل مەن Trump Foundation قورىنىڭ قالعان اقشاسى سەگىز كوممەرتسيالىق ەمەس ۇيىمعا تەڭدەي بولىنەدى. قارجى ۇلەستىرىلەتىن قورلاردىڭ اراسىندا تەگىن تاماق تاراتاتىن جانە افروامەريكالىق ازاماتتاردى وقىتۋ، حولوكوس قۇرباندارىن ەسكە الۋ مۋزەيى بار.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات