ءىز-ءتۇسسىز جوعالعان تۋريست اكۋلانىڭ اسقازانىنان تابىلدى

None
None
نۇر-سۇلتان. قازاقپارات – فرانسيانىڭ رەيۋنون ارالىندا اكۋلا شوتلانديالىق تۋريستى ءولتىردى دەپ حابارلايدى Lenta.ru.

2- قاراشا، سەنبى كۇنى شوتلانديادان جۇبايىمەن بىرگە دەمالۋعا كەلگەن 44 جاستاعى تۋريست ءۇندى مۇحيتىنا شومىلۋعا كەتىپ، سول كۇيى ءىز-ءتۇسسىز جوعالىپ كەتكەن. ال بىردەن دابىل قاققان ايەلى ىزدەستىرۋ-قۇتقارۋ وپەراتسياسىن ۇيىمداستىرعان.

الايدا، تىكۇشاقتىڭ، كەمەلەردىڭ جانە دايۆەرلەردىڭ كومەگىمەن جۇرگىزىلگەن ىزدەۋ جۇمىستارى ناتيجە بەرمەپتى.

بىرنەشە كۇننەن كەيىن تۋريستىك جاعاجايلارعا جاقىن ماڭدا دەمالۋشىلارعا قاۋىپ تۋدىرعان اكۋلا بايقالعان.

جىرتقىش بالىقتى ۇستاپ، سويعان كەزدە ونىڭ اسقازانىنان ساۋساعىندا نەكە جۇزىگى بار ادامنىڭ قولى تابىلىپتى.

قازىر ادامنىڭ دەنە قالدىقتارى د ن ك تەستىلەۋگە جىبەرىلدى. الايدا، جوعالعان شوتلانديالىقتىڭ جۇبايى اكۋلا اسقازانىندا تابىلعان نەكە جۇزىگى ونىڭ كۇيەۋىنە تيەسىلى ەكەنىن راستاپ وتىر.

سوڭعى جاڭالىقتار