يراندا جەر سىلكىنىسىنەن بىرنەشە ادام قازا تاپتى

نۇر-سۇلتان. قازاقپارات - يراننىڭ سولتۇستىك باتىسىندا شىعىس ازەربايجان پروۆينتسياسىندا 8- قازاندا تۇنگى ساعات 2 شاماسىندا 5,9 ماگنيتۋدالى جەر سىلكىنىسى بولىپ، كەمىندە ءۇش ادام قازا تاپتى دەپ حابارلادى جەرگىلىكتى باسىلىمدار.

شامامەن 20 ادام جارالانعان. يران بيلىگى قاتتى نوسەر قۇتقارۋشىلاردىڭ جۇمىسىن قيىنداتىپ جىبەرگەنىن حابارلادى.

ا ق ش گەولوگيالىق زەرتتەۋ ۇيىمىنىڭ دەرەگىنشە، جەر سىلكىنىسىنىڭ ەپيتسەنترى ساراب وكرۋگىنىڭ ورتالىعىنداعى ابسفوراشەن قالاسى ماڭىندا 10 كيلومەتر تەرەڭدىكتەگى جەر قاباتىندا بولعان.

ەۋروپاداعى جەرورتا سەيسمولوگيالىق ورتالىعى (EMSC) تابريز قالاسىنىڭ وڭتۇستىك-شىعىسىنان 112 شاقىرىم جەردە ورنالاسقان. سەيسمولوگيالىق ورتالىق جەر سىلكىنىسىن 20 ميلليون ادامنىڭ سەزگەنىن حابارلادى.

يراندا تەكتونيكالىق پليتالاردىڭ جىلجۋى بايقالعاندىقتان جەر استى دۇمپۋلەرى ءجيى سەزىلەدى. 6- قاراشادا يراننىڭ حورموزگان پروۆينتسياسىندا 5,4 ماگنيتۋدالى جەر سىلكىنىسى بولعان.

«ازاتتىق»