ادامداردىڭ قانشالىقتى جالعىز ەكەنىن فوتوگراف كورسەتتى

نۇر-سۇلتان. قازاقپارات - امەريكالىق فوتوگراف ەريك پيكەرسگيلل سۋرەتتەرىندەگى سمارتفونداردى قيىپ تاستاۋ ارقىلى ادامداردىڭ قانشالىقتى جالعىز ەكەنىن كورسەتتى.

بۇگىنگى تاڭدا سمارتفونسىز جۇرەتىن ادامداردى كەزدەستىرۋ قيىننىڭ قيىنى. ءبىر قىزىعى، وسى داعدىعا ەتىمىز ۇيرەنىپ كەتكەنىمىز سونشالىق، ءتىپتى اقىلدى قالتافونداردى جانىمىزدان ءبىر ەلى قالدىرمايتىن بولدىق.

ويعا بارساق تا، قىرعا بارساق تا قالتافون قاسىمىزدا. امەريكالىق فوتوگراف ەريك پيكەرسگيلل موبيلدى بايلانىستارسىز ءومىرىمىز الدەقايدا قىزىق بولاتىنىن العا تارتادى.

فوتوگرافتىڭ Removed دەپ اتالاتىن سۋرەتتەر سەرياسى سمارتفوندارىنا بەرىلىپ كەتكەن ادامداردىڭ پورترەتتەرىن بەينەلەيدى. ءبىراق دەيتىن دۇنيە بار. شىن مانىندە ولاردىڭ قولدارىندا ەشقانداي دا سمارتفون جوق. ەريكتىڭ ناق وسى پوشىمدى تاڭداپ العانداعى نەگىزگى ماقساتى - كوپشىلىككە سمارتفونسىز ءومىردىڭ قانشالىقتى جالعىزدىققا تولى ەكەنىن ۇعىندىرىپ، وي سالۋ.

وسى ىسپەتتى سۋرەتتەر لەگىن ءتۇسىرۋدى پيكەرسگيلل 2014 -جىلى ا ق ش-تا باستادى. سۋرەتتەرىنىڭ باسىم بولىگى ءوزىنىڭ تۋعان شتاتى سولتۇستىك كارولينادا تۇسىرىلگەن.

سۋرەتتەر تەك سمارتفوندار جايلى عانا ەمەس، سونىمەن قاتار پلانشەتتەردى دە (نەمەسە Nintendo Switch؟ دە) مەڭزەيدى.

2018 -جىلدىڭ ماۋسىمىندا ەريك ازياداعى ۆەتنامدا، ميانمادا، سينگاپۋر مەن يندونەزيادا دا وسىعان ۇقساس جايتتاردى سۋرەتكە تۇسىرە باستادى.

ەگەر، ءسىز بۇل سۋرەتتەر تەك جاستارعا قاتىستى دەسەڭىز، قاتەلەسەسىز.

الداعى ۋاقىتتا پيكەرسگيلل ءۇندىستانداعى وسىعان ۇقساس سەريالار تىزبەگىن تۇسىرمەكشى. بارلىق سۋرەتتەردى ونىڭ رەسمي سايتىنان (removed.social) كورە الاسىزدار.

bilim-all.kz