قانداي جاعدايدا تۇيسىگىمىزگە سەنۋگە بولادى؟

None
None
نۇر-سۇلتان. قازاقپارات - «بىزگە ويىمىزعا كەلگەن ءبىرىنشى شەشىمگە جۇگىنۋ كەرەكتىگى تۋرالى ءجيى ايتىلادى، ءبىراق تۇيسىگىمىزگە سەنبەس بۇرىن ساق بولۋ دا كەرەك. ەمتيحان تاپسىرۋ نەمەسە جۇمىسقا ادام قابىلداۋدا، باسقا دا كوپتەگەن جاعدايدا ءبىز ماسەلەنىڭ شەشىمىن بىلەتىن سەكىلدى بولامىز. دەگەنمەن، تۇيسىككە سەنۋگە بولا ما نەمەسە وعان كۇمانمەن قاراعان ءجون بە؟» دەپ جازادى BBC.

نوبەل سىيلىعىنىڭ يەگەرى دانيەل كانەمان مۇنداي جاعدايدا «ءبىرىنشى جۇيە» نەمەسە جىلدام شەشىم دەپ اتايدى. بۇل «ەكىنشى جۇيەگە»، ياعني، اسىقپاي ويلانىپ، سارالانىپ قابىلدانعان شەشىمگە قارسى تۇر.

«تۇيسىك دالەل بولماعاندىقتان، تابيعي ەمەس جانە دالەلسىز دۇنيە رەتىندە بەدەلى تومەن. بارلىق نۇسقانى سارالاپ شەشىم قابىلداۋ بىزگە دۇرىس جاۋاپ تابۋعا كومەكتەسپەي مە؟ مامانداردىڭ ايتۋىنشا، ولاي بولماۋى دا مۇمكىن. ءبىز بىلمەگەنىمىزبەن، مي قازىرگى جاعدايدى ۇنەمى ءبىزدىڭ بۇرىنعى وقيعالارىمىزعا قاتىستى ەستەلىكتەرمىزبەن سالىستىرىپ وتىرادى. سول سەبەپتى كەيدە ادامنىڭ تۇيسىگى كوپ جىلعى تاجىريبەنىڭ ناتيجەسى بولۋى مۇمكىن» دەپ جازادى باسىلىم.

اۆتوردىڭ ايتۋىنشا، ەگەر ادام ءوزىنىڭ تاڭداۋىنا سەنىمدى بولسا، وندا تۇيسىگىنە سەنگەنى ءجون.

سوڭعى جاڭالىقتار