+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

قازاقستان مەن رەسەي شەكارالىق ىنتىماقتاستىق باعدارلاماسى تۇجىرىمىنا قول قويادى

8 قاراشا 08:27
:ءبولىسۋ
قازاقستان مەن رەسەي شەكارالىق ىنتىماقتاستىق باعدارلاماسى تۇجىرىمىنا قول قويادى

ومبى. قازاقپارات - ومبىدا ءوتىپ جاتقان «شەكارا ماڭى ىنتىماقتاستىعىن دامىتۋدىڭ وزەكتى ماسەلەلەرى» اتتى قازاقستان مەن رەسەي اراسىنداعى XVI ءوڭىرارالىق ىنتىماقتاستىق فورۋمىندا پرەزيدەنت قاسىم-جومارت توقايەۆ ەكى ەلدىڭ ەكونوميكا مينيسترلىكتەرى شەكارالىق ىنتىماقتاستىق باعدارلاماسى تۇجىرىمىنا قول قوياتىنىن ءمالىم ەتتى، دەپ حابارلايدى قازاقپارات ءتىلشىسى.

مەملەكەت باسشىسى باعدارلامادا ەكى ەلدىڭ 20 وبلىسى قامتىلاتىنىن تىلگە تيەك ەتتى.

«باعدارلامانى ازىرلەپ، قابىلداۋدى كەشىكتىرۋدىڭ قاجەتى جوق دەپ سانايمىن. بۇل باعدارلامانى، اتاپ ايتقاندا، جەكە جوبالاردى قارجىلاندىرۋ قۇرالدارىمەن قامتاماسىز ەتۋ قاجەت. ءبىز ىشكى نارىقتى دامىتۋعا بەلسەنە قاتىساتىن ەۋرازيالىق دامۋ بانكىنىڭ الەۋەتىن پايدالانۋىمىز كەرەك»، - دەدى قازاقستان پرەزيدەنتى.

مەملەكەت باسشىسى شەكارالاس وبلىستاردىڭ ينفراقۇرىلىمدىق الەۋەتىن كەڭەيتۋ جانە دامىتۋ قاجەتتىگىن ەرەكشە اتاپ ءوتتى.

«قازىرگى ينفراقۇرىلىم زامان تالابىنا ساي ەمەس. ترانس ۇلتتىق دالىزدەردى، ونىڭ ىشىندە «ءبىر بەلدەۋ - ءبىر جول» جانە «سولتۇستىك - وڭتۇستىك» مەگا-جوبالارىن ەسكەرە وتىرىپ، شەكارالىق وتكەلدەردى جاڭعىرتۋ قاجەت. بۇگىنگى تاڭدا ءبىرقاتار قوسىمشا وتكىزۋ پۋنكتىلەرىن كەڭەيتۋ جانە اشۋ قاجەتتىگى تۋىندادى. بىزدە قىتايمەن مۇنداي تاجىريبە بار. وزبەكستانمەن وسىعان ۇقساس جوبا قارقىندى دامىپ كەلەدى»، - دەدى قاسىم-جومارت توقايەۆ.

قازاقستان پرەزيدەنتى بۇل جوبا ايماقتارداعى ەكونوميكالىق بەلسەندىلىكتىڭ كاتاليزاتورى بولىپ قانا قويماي، سونىمەن بىرگە ترانزيتتىك جانە كولىكتىك الەۋەتتى تولىعىمەن ىسكە اسىرا الاتىنىنا سەنىم ءبىلدىردى.

ەسكە سالا كەتسەك، پرەزيدەنت بۇگىن «شەكارا ماڭى ىنتىماقتاستىعىن دامىتۋدىڭ وزەكتى ماسەلەلەرى» اتتى قازاقستان مەن رەسەي اراسىنداعى XVI ءوڭىرارالىق ىنتىماقتاستىق فورۋمىنا قاتىسۋ ءۇشىن ومبىعا ۇشىپ كەلگەن بولاتىن.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات