+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

پرەزيدەنت: ق ر مەن ر ف اۋىل شارۋاشىلىعى مينيسترلىكتەرى بىرلەسكەن جۇمىستى كۇشەيتۋى ءتيىس

8 قاراشا 08:08
:ءبولىسۋ
پرەزيدەنت: ق ر مەن ر ف اۋىل شارۋاشىلىعى مينيسترلىكتەرى بىرلەسكەن جۇمىستى كۇشەيتۋى ءتيىس

نۇر-سۇلتان. قازاقپارات - قازاقستان مەن رەسەيدىڭ اۋىل شارۋاشىلىعى مينيسترلىكتەرى ءبىر-بىرىمەن بەلسەندى ارالاسا جۇمىس جۇرگىزۋى ءتيىس.

رەسەيدىڭ ومبى قالاسىندا ءوتىپ جاتقان «شەكارا ماڭى ىنتىماقتاستىعىن دامىتۋدىڭ وزەكتى ماسەلەلەرى» اتتى قازاقستان مەن رەسەي اراسىنداعى XVI ءوڭىرارالىق ىنتىماقتاستىق فورۋمىندا قاسىم-جومارت توقايەۆ وسىلاي دەدى، دەپ حابارلايدى قازاقپارات ءتىلشىسى.

«ەكى ەلدىڭ اۋىل شارۋاشىلىعى مينيسترلىكتەرى بولجامدى بالانستى ايقىنداۋ ماقساتىندا ءبىر-بىرىمەن بەلسەندى تۇردە ارالاسۋى كەرەك. كەز كەلگەن ەلدىڭ ەكونوميكاسىنىڭ اسا ماڭىزدى سالالارىنىڭ ءبىرى - اۋىل شارۋاشىلىعى ەكەنى قۇپيا ەمەس. بۇل سالاعا باقىلاۋ ورگاندارىنىڭ نازارى ەرەكشە اۋاتىنى تۇسىنىكتى. ءبىراق، ول نازار شەكتەن شىعىپ كەتپەۋى كەرەك. سول سەبەپتى اكىمشىلىك كەدەرگىلەردى ەڭسەرىپ، تۋىنداعان ماسەلەلەردى شەشۋدە جىلدامدىقتى قامتاماسىز ەتۋ ءۇشىن ءتيىستى مينيسترلىكتەر مەن ۆەدومستۆولار كۇندەلىكتى بايلانىستا بولۋى كەرەك»، - دەدى مەملەكەت باسشىسى.

قاسىم-جومارت توقايەۆ تۋىنداعان ماسەلەلەر بويىنشا ءتيىستى ۆەدومستۆولار ءوزارا جىلدام ارەكەت ەتەتىندەي ناقتى الگوريتمدەردى ازىرلەۋدى ۇسىندى. پرەزيدەنتتىڭ ايتۋىنشا، ۆەتەريناريا، فيتوسانيتاريا جانە كارانتيندىك ونىمدەردى باقىلاۋ سالاسىنداعى بىرلەسكەن جۇمىس ورتالىق مەملەكەتتىك ورگان مەن وڭىرلىك بولىمشەلەر دەڭگەيىندە جۇرگىزىلۋى ءتيىس.

«ءوزارا تاجىريبە الماسۋ جاعىنان دا بىرىگە جۇمىستاردى كۇشەيتۋ كەرەك. عىلىمي زەرتتەۋلەردىڭ ۇزدىك ناتيجەلەرىن الماسقان ابزال. مەنىڭشە، ەكى ەلدىڭ جەتەكشى ءبىلىم بەرۋ ينستيتۋتتارىنىڭ بازاسىندا بىلىكتىلىگىن ارتتىرۋ بويىنشا بىرلەسكەن باعدارلاماسىن ازىرلەۋ تۋرالى دا ويلانۋدىڭ ماڭىزى وتە زور. قۇقىق بويىنشا قولدانۋعا بولاتىن امال-ادىستەردى ۇيلەستىرۋ -ۇلتتىق باقىلاۋ جۇيەلەرىنە، ءبىزدىڭ مامانداردىڭ بىلىكتىلىگىنە دەگەن سەنىملى كۇشەيتىپ، تۇتىنۋشىلاردىڭ قاۋىپسىزدىگىن ارتتىرادى. سەرىكتەستىكتىڭ كەلەشەگى زور سالالاردىڭ ءبىرى - اۋىل شارۋاشىلىعى شيكىزاتىن بىرلەسە ءجىتى وڭدەۋ سالاسى بولماق. بۇل رەتتە قىتاي نارىعىندا جۇمىس ىستەۋ بويىنشا قازاقستان مەن رەسەيدىڭ تاجىريبەسى بار. مەنىڭ ويىمشا، بۇل سالادا دا ايتارلىقتاي تابىسقا جەتەمىز»، - دەدى ول.

ەسكە سالا كەتەيىك، ءبىز بۇعان دەيىن قازاقستان پرەزيدەنتىنىڭ ءوڭىرارالىق ىنتىماقتاستىق فورۋمىنا قاتىسۋ ءۇشىن ومبىعا ۇشىپ كەلگەنىن جازعان بولاتىنبىز.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات