+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

تۇركيا جاقىندا ولتىرىلگەن «يسلام مەملەكەتى» تەررور ۇيىمىنىڭ باسشىسى ءال-ءباعداديدىڭ ايەلىن قولعا ءتۇسىردى

7 قاراشا 22:17
:ءبولىسۋ
تۇركيا جاقىندا ولتىرىلگەن «يسلام مەملەكەتى» تەررور ۇيىمىنىڭ باسشىسى ءال-ءباعداديدىڭ ايەلىن قولعا ءتۇسىردى

نۇر-سۇلتان. قازاقپارات - تۇركيا اسكەري قىزمەتكەرلەرى جاقىندا ولتىرىلگەن «يسلام مەملەكەتى» تەررور ۇيىمىنىڭ جەتەكشىسى ءابۋ باكىر ءال-ءباعداديدىڭ ءبىر ايەلىن قولعا ءتۇسىردى.

بۇل اقپاراتتى تۇركيا پرەزيدەنتى رەجەپ ەردوعان مالىمدەدى.

6- قاراشادا انكارا ۋنيۆەرسيتەتىندە سويلەگەن ول وپەراتسيانىڭ جاي-جاپسارىن ايتپادى.

«ءبىز ونىڭ ايەلىن ۇستادىق، ءبىراق شۋ كوتەرگەن جوقپىز. سيريا اۋماعىندا ودان بولەك ونىڭ اپكەسى مەن كۇيەۋ بالاسى ۇستالدى» دەدى ەردوعان. ول ءال-ءباعداديدىڭ ايەلىن اسكەريلەر قاشان قولعا تۇسىرگەنىن دە ايتپادى.

ءابۋ باكىر ءال-ءباعداديدىڭ قانشا ايەلى بولعانى ازىرگە بەلگىسىز. AP اگەنتتىگىنىڭ جازۋىنشا، ونىڭ ءتورت ايەلى بولعان. يراكتاعى قۇپيا دەرەككوزگە سۇيەنگەن Reuters اگەنتتىگى ونىڭ ءۇش ايەلى بولعانىن ايتادى.

5- قاراشادا تۇرىك اسكەريلەرى ءال-ءباعداديدىڭ اپكەسىن قولعا تۇسىرگەنىن ايتقان. راسميا اۆاد سيريانىڭ سولتۇستىك-باتىسىندا جاسىرىنعان. ونىمەن بىرگە ونىڭ كۇيەۋى، كەلىنى، بەس بالاسى قاماۋعا الىنعان.

«يسلام مەملەكەتى» تەررور ۇيىمىنىڭ باسشىسى ءابۋ باكىر ءال -باعدادي وتكەن ايدا ا ق ش اسكەرىنىڭ ارنايى وپەراتسياسى بارىسىندا ءوزىن-ءوزى جارىپ جىبەرگەن. وسى رەيد كەزىندە «يسلام مەملەكەتى» تۋرالى ماڭىزدى اقپاراتتارى بولۋى مۇمكىن قۇجاتتار تابىلعان.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات