قازاقستاننىڭ از قامتىلعان وتباسىلارى قوسىمشا قولداۋ شارالارىن الىپ جاتىر
ولارعا ماتەريالدىق جاعدايىن تۇراقتاندىرۋعا مۇمكىندىك بەرەتىن اتاۋلى الەۋمەتتىك كومەكتەن باسقا، ءوز ءىسىن اشۋعا دا مۇمكىندىكتەرى بار.
بۇل «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ مەملەكەتتىك باعدارلاماسى مۇمكىندىك بەرەدى.
«ەڭبەك» باعدارلاماسى بەس بالانىڭ اناسىنا ءوز ارمانىن ىسكە اسىرۋعا كومەكتەستى. حاليدا ماحمۋدوۆا ءوز بيزنەسىن اشىپ، دامۋىندا ەرەكشەلىكتەرى بار بالالارعا ارنالعان بەس كۇندىك ماسساج كۋرسىن وتكىزىپ جاتىر.
مەديتسينالىق ورتالىقتا ءوز كابينەتىن اشپاس بۇرىن ول ايەل جۇمىسسىز بولعان. ول ءتىپتى اتاۋلى الەۋمەتتىك كومەك الۋعا جۇگىندى. بۇعان دەيىن كوپ بالالى انا مۇگەدەك بالانى كۇتۋ بويىنشا جاردەماقى الدى. قالالىق حالىقتى جۇمىسپەن قامتۋ ورتالىعىنا كەلگەننەن كەيىن، ونى جالاقىسى 58000 تەڭگەمەن قوعامدىق جۇمىستارعا جىبەردى. سونىمەن قاتار، ول «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ مۇمكىندىگىن پايدالاندى.
حاليدا ماحمۋدوۆا — كوپبالالى انا:
«مەن مەملەكەتتەن 505000 تەڭگە كولەمىندە اقىسىز گرانت الۋعا ۇمىتكەر بولا الاتىن، ءوز جوبامدى قورعايمىن. مەنىڭ ويىمشا، ءوز كابينەتىمە قاجەتتى بارلىق نارسەنى ساتىپ الامىن. بۇل گرانتتى الىپ، مەنىڭ باستاپقى كاپيتالىم بار ەكەنىن ناقتى بىلەتىن بولامىن، ول ماعان اياققا كوتەرىلۋگە جانە ودان ءارى ءوز ءىسىمدى جۇرگىزۋگە مۇمكىندىك بەرەدى».
انار قىلىشيەۆانىڭ دا جۇمىسسىز مارتەبەسى بولدى. بىرنەشە اي بۇرىن ءۇش بالانىڭ اناسى قالالىق جۇمىسپەن قامتۋ ورتالىعىنا كومەك سۇراپ كەلدى. ايەلدى «باقىلاۋشى-كاسسير» ماماندىعى بويىنشا قىسقا مەرزىمدى كاسىبي كۋرستارعا جىبەردى. قازىر ول شاكىرتاقى الادى، ال ونىڭ وتباسىنا اتاۋلى الەۋمەتتىك كومەك تاعايىندالدى. بۇل قولداۋ شارالارى وعان بالالاردى مەكتەپكە دايىنداۋعا كومەكتەستى. وقىتۋ باعدارلاماسى اياقتالعاننان كەيىن ول جۇمىسقا ورنالاسادى.
انار قىلىشيەۆا — ءۇش بالانىڭ اناسى:
«ءبىر اپتادان كەيىن مەنى وقۋعا جىبەردى. مەن «ينتەرپرينت» ءۇش ايلىق وقىتۋ كۋرستارىنان ءوتۋىم كەرەك ەدى. ول جەردە مەن باقىلاۋشى- كاسسير ماماندىعىن وقيمىن. مەنى جۇمىسقا وزدەرى ورنالاستىرامىز دەپ ايتتى. بۇل ماعان وتە ۇنادى».
تەك الماتى قالاسىنىڭ وزىندە 11736 وتباسى اتاۋلى الەۋمەتتىك كومەك الادى. ايتا كەتۋ كەرەك، 2020-جىلدان باستاپ كوپ بالالى انالارعا تابىس دەڭگەيىنە قاراماستان جاردەماقى تولەنەتىن بولادى.
جۇمىس ىزدەۋمەن بايلانىستى ومىرلىك قيىن جاعداي تۋىنداعان بولسا، جۇمىسپەن قامتۋ ورتالىعىنا جۇگىنۋگە بولادى.