+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

قازاقستاندا قارۋ-جاراق پەن وق-دارىلەردى قاۋىپسىز ساقتاۋ ماسەلەسى تالقىلاندى

7 قاراشا 20:33
:ءبولىسۋ
قازاقستاندا قارۋ-جاراق پەن وق-دارىلەردى قاۋىپسىز ساقتاۋ ماسەلەسى تالقىلاندى

نۇر-سۇلتان. قازاقپارات - بۇگىن ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى ماڭعىستاۋ وبلىسى اقتاۋ قالاسىندا كوشپەلى وتىرىس وتكىزدى، دەپ حابارلايدى تومەنگى پالاتانىڭ باسپا ءسوز قىزمەتى.

شارا بارىسىندا قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنىڭ ارسەنالدارىندا، بازالارىندا، قويمالارىندا ساقتاۋداعى قارۋ-جاراق پەن وق-دارىلەردىڭ قاۋىپسىزدىگىن جانە ساقتالۋىن قامتاماسىز ەتۋ، سونداي-اق قارۋ-جاراق پەن وق-دارىلەردى ساقتاۋ وبەكتىلەرىن كوشىرۋ مەن جايلاستىرۋ باعدارلاماسىن ىسكە اسىرۋ ماسەلەلەرى تالقىلاندى.

وتىرىستى اشقان بەيىندى كوميتەت ءتوراعاسى مۇحتار ەرمان اتالعان تاقىرىپتا ءىس-شارانى وتكىزۋ ارىستاعى قايعىلى وقيعانى ەسەپكە الا وتىرىپ، قوعامعا دەگەن ماڭىزدىلىعىن اتاپ ءوتتى.

ءىس ساپار بارىسىندا دەپۋتاتتار قورعانىس مينيسترلىگىنىڭ، ۇلتتىق ۇلاننىڭ، ۇ ق ك شەكارا قىزمەتىنىڭ بازالارى مەن قويمالارىندا قارۋ-جاراق، وق-دارىلەردىڭ قاۋىپسىزدىگىن جانە ساقتالۋىن قامتاماسىز ەتۋ سۇراقتارىن زەرتتەدى.

اتاپ ايتقاندا، دەپۋتاتتار اقتاۋ گارنيزونى اسكەري بولىمدەرىندە قارۋ جاراقتار، اسكەري تەحنيكالاردىڭ جانە مۇلىكتەردىڭ ساقتالۋىمەن جانە جۇمىلدىرۋ قورىنىڭ نىسانى بولىپ تابىلاتىن ارنايى مەديتسينالىق قامتاماسىز ەتۋ بازاسىمەن تانىستى. سونىمەن قاتار، قارۋ-جاراق پەن وق-دارىلەردى ساقتاۋ وبەكتىلەرىن كوشىرۋ مەن جايلاستىرۋ باعدارلاماسىنىڭ ارالىق قورىتىندىلارى بەلگىلەندى.

ءىس-شارا اياسىندا ءماجىلىس دەپۋتاتتارى يرينا ارونوۆا مەن قۇدايبەرگەن ەرجان «Nur Otan» پارتياسى ماڭعىستاۋ وبلىستىق فيليالىندا ازاماتتاردى قابىلداۋ وتكىزدى.

كوشپەلى وتىرىستى قورىتىندىلاي كەلە، ماجىلىسمەندەر كوتەرىلگەن وزەكتى ماسەلەلەرگە قاتىستى ۇسىنىستار مەن پىكىرلەر ءتيىستى زاڭنامالاردى جەتىلدىرۋدە ەسكەرىلەتىنىن ايتتى.

وتىرىس جۇمىسىنا ءماجىلىس دەپۋتاتتارى مەن قورعانىس مينيسترلىگى، ۇلتتىق ۇلان، ۇ ق ك شەكارا قىزمەتى، ق ر ىشكى ىستەر مينيسترلىگىنىڭ توتەنشە جاعدايلار كوميتەتى، باس اسكەري پروكۋراتۋرانىڭ جانە وبلىستىق اكىمشىلىكتىڭ وكىلدەرى قاتىستى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات