قازاق- ورىس حالىقارالىق ۋنيۆەرسيتەتى ليسەنزياسىنان ايىرىلۋى مۇمكىن
5 - قاراشا كۇنى «قازاق- ورىس حالىقارالىق ۋنيۆەرسيتەتى» حالىقارالىق جوعارى وقۋ ورنىنا قاتىستى اكىمشىلىك ءىس قارالدى. اكىمشىلىك قۇقىق بۇزۋ تۋرالى حاتتاما مەن اكىمشىلىك ءىس ماتەريالدارىن قاراۋ مەرزىمى ۋنيۆەرسيتەتتىڭ ءوتىنىشى بويىنشا ەكى مارتە ۇزارتىل عانىن ايتا كەتكەن ءجون .
«29 - قازان كۇنى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتى ءتورايىمىنىڭ ۇيعارىمىمەن ۋنيۆەرسيتەتتىڭ زاڭدى وكىلىنە ءىستىڭ قارالاتىن ورنى مەن ۋاقىتى حابارلاندى. ۋنيۆەرسيتەتتىڭ زاڭدى وكىلى كەلگەن جوق، وسىعان بايلانىستى ءىستى زاڭدى تۇلعانىڭ قاتىسۋىنسىز قاراۋ تۋرالى شەشىم قابىلداندى. تەكسەرىس قورىتىندىسى بويىنشا وسى قاۋلى كۇشىنە ەنگەن ساتتەن باستاپ اتالعان وقۋ ورنىنا قاتىستى 1 اي مەرزىمگە جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىرۋ بويىنشا ليسەنزياسىن توقتاتا وتىرىپ، اكىمشىلىك ايىپپۇل سالۋ تۋرالى قاۋلى شىعارىلدى» دەلىنگەن حابارلامادا.
زاڭدى تۇلعاعا اتالعان ەسكەرتۋلەردى جويۋ ءۇشىن 1 اي بەرىلەدى. كەمشىلىكتەر جويىلماعان جاعدايدا اتالعان وقۋ ورنىن ليسەنزياسىنان ايىرۋ ءۇشىن ماتەريالدار سوتقا جىبەرىلەدى.