18:04, 07 - قاراشا 2019 | GMT +6
قاسىم-جومارت توقايەۆ ومبى قالاسىنا ۇشىپ كەلدى
ومبى. قازاقپارات - مەملەكەت باسشىسى قاسىم-جومارت توقايەۆ ومبى قالاسىنا ۇشىپ كەلدى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.
«مەملەكەت باسشىسى قاسىم-جومارت توقايەۆ ومبى قالاسىنا ۇشىپ كەلدى. پرەزيدەنت «شەكارا ماڭى ىنتىماقتاستىعىن دامىتۋدىڭ وزەكتى ماسەلەلەرى» اتتى قازاقستان مەن رەسەي اراسىنداعى XVI ءوڭىرارالىق ىنتىماقتاستىق فورۋمىنا قاتىسادى» دەپ جازدى بەرىك ءۋالي Facebook پاراقشاسىندا.
فورۋم اياسىندا قاسىم-جومارت توقايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەسەدى جانە ءبىرقاتار قۇجاتقا قول قويىلادى دەپ جوسپارلانىپ وتىر.