اۋستراليا تۋرالى قىزىقتى دەرەكتەر
Stan.kz اۋستراليا تۋرالى قىزىقتى دەرەكتەردى ۇسىنادى.
اۋستراليا - ۇلكەندىگى بويىنشا الەمدە 6-ورىندى يەلەنەتىن مەملەكەت. ول اۋماعى شامامەن 7,6 ميلليون شارشى شاقىرىم بولاتىن تۇتاس ءبىر قۇرلىقتى الىپ جاتىر.
اۋستراليالىقتاردىڭ 80 پايىزى جاعالاۋدان 100 شاقىرىم جەردە ءومىر سۇرەدى.
اۋستراليا حالقى 200 دەن استام تىلدە جانە ديالەكتىدە سويلەيدى. ولاردىڭ 45 ءى - بايىرعى حالىقتاردىڭ ءتىلى. مەملەكەتتە اعىلشىن تىلىنەن بولەك، يتاليان، گرەك، كانتون، اراب، ۆەتنام جانە قىتاي تىلدەرى كەڭىنەن تاراعان.
دامىعان ەلدەردىڭ اراسىندا اۋستراليادا ميگرانتتار سانى كوپ. اۋستراليالىقتاردىڭ 25 پايىزىنان استامى وزگە مەملەكەتتەردە دۇنيەگە كەلگەن. مۇندا بايىرعى حالىقتاردان بولەك، 200 ەلدەن كەلگەن ميگرانتتار ءومىر سۇرۋدە.
مەملەكەتتە ەرەكشە ەكولوگيالىق جۇيەمەن تانىسىپ، سونىمەن قاتار ادام قولى تيمەگەن تورپيكالىق ورماندار، ەجەلگى قۇزدار جانە كەرەمەت جاعاجايلاردى كورۋگە بولادى.
اۋستراليادا يۋنەسكونىڭ دۇنيەجۇزىلىك مۇراسىنىڭ 16 نىسانى ورنالاسقان. ولاردىڭ قاتارىندا تاريحي اۋىلدار، قالالار مەن لاندشافتتار بار.
اۋستراليا الەم بويىنشا ايەلدەرگە داۋىس قۇقىعىن بەرگەن (1902-جىلى) جاڭا زەلانديادان كەيىنگى ەكىنشى مەملەكەت بولدى.
سيدنەي مەن مەلبۋرننىڭ قايسىسى استانا بولاتىنى تۋرالى كەلىسە الماعاندا، 1908-جىلى كانبەررا قۇرىلعان.
الەمدەگى ەڭ ۇلكەن فەرما وڭتۇستىك اۋستراليادا ورنالاسقان. Anna Creek Station فەرماسى 34 مىڭ شارشى شاقىرىمنان استام اۋماقتى الىپ جاتىر. بۇل بەلگيانىڭ اۋماعىنان (30,5 مىڭ شارشى شاقىرىم) ۇلكەن.
اۋستراليالىقتار الەمنىڭ وزگە ەلدەرىمەن سالىستىرعاندا، قۇمار ويىندارىنا اقشانى كوبىرەك جۇمسايدى. مەملەكەتتە ەرەسەكتەردىڭ 80 پايىزى قۇمار ويىندارىن وينايدى. بۇكىل دۇنيەجۇزىندەگى پوكەر ويىنى اۆتوماتتارىنىڭ 20 پايىزى اۋستراليادا.
سۋپەرماركەتتەردەن، ەت ساتۋشىلاردان كەنگۋرۋدىڭ ەتىن ساتىپ الىپ، مەيرامحانادا تاپسىرىس بەرۋگە بولادى. كەنگۋرۋ ەتى سيىر نەمەسە قوي ەتىنىڭ بالاماسى رەتىندە قاراستىرىلادى. سەبەبى ونداعى مايدىڭ ۇلەسى - 1-2 پايىز.
اۋستراليالىقتاردىڭ دەنى سپورتتى جاقسى كورەتىنىنە قاراماستان، مەملەكەت سەمىزدىك دەڭگەيى بويىنشا كوشباسشى ەلدەردىڭ ءبىرى بولىپ تابىلادى. مەملەكەت تۇرعىندارىنىڭ 26 پايىزى سەمىزدىكتەن زارداپ شەگەدى. ال حالقىنىڭ 63 پايىزى ارتىق سالماققا يە.
اۋستراليادا شاراپ جاسايتىن 60 ءوڭىر بار. اۋستراليالىق شاراپ جاساۋشىلار جىلىنا 1,35 تريلليون شولمەك شاراپ وندىرەدى.
2007-جىلى اۋستراليانىڭ بۇرىنعى پرەمەر-ءمينيسترى كيەۆين رادد مەملەكەتتىڭ بايىرعى تۇرعىندارىنان كەشىرىم سۇرادى. بۇل ۇلتتىڭ ىمىراعا كەلۋىندەگى نەگىزگى كەزەڭ بولدى.
اۋستراليالىقتار اعىلشىنداردى Pome دەپ اتايدى. بۇل Prisoners of Mother England (انگليا اناسىنىڭ تۇتقىندارى) تىركەسىنىڭ قىسقارتىلعان نۇسقاسى بولىپ تابىلادى.
مەملەكەتتى سوتتالعانداردىڭ وتارلاۋ تاريحىنا قاراماستان، اۋستراليادا كىسى ءولتىرۋ دەڭگەيى 100 مىڭ تۇرعىنعا 1,2 دەن كەلەدى.
اۋستراليادا ەلەكتر قۋاتىنىڭ باعاسى الەم بويىنشا ەڭ قىمبات بولىپ تابىلادى.
ادامدار كەلمەس بۇرىن اۋستراليا ۇلكەن فاۋناعا ارنالعان تىرشىلىك ورتاسى بولعان. مۇندا بويى 3 مەتر بولاتىن كەنگۋرۋلار، ۇزىندىعى 7 مەترلىك كەسىرتكەلەر، ۇلكەندىگى جىلقىداي بولاتىن ۇيرەكتەر مەن كولەمى قابىلانداي بولاتىن قالتالى ارىستاندار مەكەندەگەن.
ۇلكەن توسقاۋىل ريفى عالامشارداعى ءىرى ءتىرى قۇرىلىم بولىپ تابىلادى. ونىڭ وزىندىك پوشتا جاشىگى بار.
ەگەر وپەرا تەاترى شاتىرىنىڭ بارلىق «جەلكەنىن» بىرىكتىرسە، ءمىنسىز سفەرا پايدا بولادى. ساۋلەتشى اپەلسيندى كورگەندە وسىنداي عيمارات سالۋعا شابىتتانعان.
كاپيتان دجەيمس كۋك اۋستراليانىڭ شىعىس جاعالاۋىنا العاش رەت 1770-جىلى اياق باسقان. 1778-جىلى تۇزەتۋ مەكەمەسىن سالۋ ءۇشىن، قۇرلىققا بريتانيالىق 11 كەمە كەلگەن.
قىتايلار اۋستراليانىڭ ەۋروپالىقتاردان بۇرىن زەرتتەگەن. 1400-جىلدارى تەڭىزشىلەر مەن بالىقشىلار تەڭىز قيارلارىن جيناپ، بايىرعى حالىقتارمەن ساۋدا-ساتتىق جاساۋ ءۇشىن اۋسترالياعا كەلگەن.
1606-جىلى اۋسترالياعا اياق باسقان العاشقى ەۋروپالىق - گوللانديالىق تەڭىز ءجۇزۋشىسى ۆيلەم يانسزون. مۇنان كەيىنگى 100 جىل ىشىندە مەملەكەتكە باسقا دا گوللانديالىق زەرتتەۋشىلەر كەلىپ، كارتا جاساپ، ونى New Holland, ياعني جاڭا گوللانديا دەپ اتاعان.