+7 (701) 759 90 19
-18 °С : نۇر-سۇلتان
6 °С : الماتى
USD 387.14 EUR 428.18
RUB 6.06 CNY 55.23
جاڭالىقتار

ۇيالى تەلەفون قانداي جاعدايدا اتىلىپ كەتۋى مۇمكىن

7 قاراشا 19:52
:ءبولىسۋ
ۇيالى تەلەفون قانداي جاعدايدا اتىلىپ كەتۋى مۇمكىن

نۇر-سۇلتان. قازاقپارات - ۇيالى تەلەفوننىڭ اتىلىپ، ادام ومىرىنە قاۋىپ توندىرگەنى تۋرالى، ءتىپتى ادام ءومىرىن قيعانى جايلى ءجيى ەستىپ جاتامىز.

مامانداردىڭ ايتۋىنشا، ۇيالى تەلەفوننىڭ اتىلىپ كەتۋى 3 جاعدايعا بايلانىسى بولادى ەكەن: زاۋىتتان شىققان كەزدەن باستاپ اقاۋى بولعان جاعدايدا، قاتتى قىزىپ كەتسە جانە قۇرىلعىنىڭ ەسكىرۋى.

كوبىنەسە تەلەفونداردىڭ جارىلۋى باتارەياسىنىڭ قىزىپ كەتۋىنەن بولادى. ۇيالى تەلەفوننىڭ اتىلىپ كەتۋ قاۋپىنەن قالاي ساقتانۋ كەرەك؟

كومپانيالار وزدەرى كۋالاندىرعان ساپالى قۋاتتاۋ قۇرىلعىلارىن پايدالانعان ءجون. ۇيالى تەلەفوننىڭ قىزىپ كەتپەۋىن قاداعالاڭىز. ونى كۇن ساۋلەسى تىكەلەي تۇسەتىن جەرگە نەمەسە جاستىقتىڭ استىنا قالدىرماۋ كەرەك.

قۋاتتاۋ كەزىندە گادجەت ءۇشىن ەنەرگيانى كوپ قاجەت ەتەتىن ويىندار مەن «اۋىر» پروتسەستەردى قولدانباۋعا تىرىسىڭىز، ونداي كەزدە قۇرىلعى ەكى ەسە قىزىپ كەتەدى. سونداي- اق تەلەفوندى قۇلاتىپ الۋ سالدارىنان نەمەسە باتارەياسىنىڭ زاقىمدانۋىنان دا جارىلىپ كەتۋى مۇمكىن.

ەگەر باتارەيا ءىسىنىپ كەتكەن بولسا، ونى پايدالانۋدى دەرەۋ توقتاتقان ءجون. سەبەبى وندا حيميالىق رەاكسيالار ءجۇرىپ جاتادى. ول باتارەيانىڭ جارىلۋىنا اكەلۋى مۇمكىن. تەلەفوننىڭ اتىلۋ قاۋپىن بايقاعان كەزدە جاسالاتىن العاشقى شارالار: گادجەتكە قول تيگىزبەي قۋاتتاعىشتى توقتان الىپ تاستاۋ كەرەك؛ تەلەفوندى سۋعا لاقتىرىڭىز نەمەسە ونى جانعىش قابىلەتى تومەن زاتپەن جابىڭىز؛ قۇرىلعى جانىپ جاتقان بولسا، تەز ارادا جارىلىس جاسايتىنى بايقالسا ەشقانداي زيانىن كەلتىرمەيتىن جەرگە تاستاۋ كەرەك.

www.24.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات