قۋاتتاعىشتى توق كوزىنە قالدىرىپ كەتۋدىڭ قاۋىپتەرى قانداي

نۇر-سۇلتان. قازاقپارات - سمارتفوندار، پلانشەتتەر جانە باسقا گادجەتتەر ادامزات ومىرىندە ماڭىزدى ءرول اتقارىپ كەلەدى. كەيدە قۋاتتاعىش قۇرىلعىلار توق كوزىندە قالىپ قويادى.

 ءتىپتى قاجەت كەزىندە ىزدەۋگە ۋاقىت كەتىرمەس ءۇشىن ونى توققا ارنايى قالدىرىپ كەتەتىندەر دە بار. بوس قۋاتتاعىشتى توق كوزىنە قالدىرىپ كەتۋدىڭ قاۋىپتەرى قانداي؟

بىرىنشىدەن، ۇيدە كىشكەنتاي بالالار نەمەسە ءۇي جانۋارلارى بولسا، قۋاتتاعىشتى توقتا قالدىرىپ كەتپەگەن ءجون. كىشكەنتاي بالالار قىزىقتى بولىپ كورىنگەن نارسەنىنىڭ بارلىعىن اۋزىنا اپاراتىنى بەلگىلى. سونداي كەزدە توق سوعىپ كەتۋى ابدەن مۇمكىن.

ەكىنشىدەن، ورتكە سەبەپ بولۋى مۇمكىن. ساراپشىلاردىڭ ايتۋىنشا، جوعارى ساپالى قۋاتتاعىشتاردا قاۋىپتى جاعدايدى بولدىرمايتىن ارنايى ساقتاندىرعىشتارى بولادى. ءبىراق ودان دا ءورت تۋىنداماۋىنا ەشكىم كەپىلدىك بەرە المايدى.

 ۇشىنشىدەن، ەلەكتر قۋاتىن ىسىراپ ەتەدى. تورتىنشىدەن، كۇنى بويى توق كوزىنە قوسىلىپ تۇرعاندا قۋاتتاعىشتىڭ جارامدىلىق مەرزىمى ايتارلىقتاي قىسقارادى. ادەتتە ونىڭ ورتاشا جارامدىلىق مەرزىمى 3 جىلدان 5 جىلعا دەيىن سوزىلۋى مۇمكىن.

www.24.kz