حالىقارالىق بوكس فەدەراتسياسى گولوۆكينگە قارسىلاس تاپتى

نۇر-سۇلتان. قازاقپارات - حالىقارالىق بوكس فەدەراتسياسى (IBF) ورتا سالماقتا وسى تۇجىرىمنىڭ چەمپيونى، قازاقستاندىق بىلعارى قولعاپ شەبەرى گەننادي گولوۆكينگە (40-1-1، 35 ك و) بەلبەۋىن قورعاۋدى مىندەتتەدى.
Triple G- ءدىڭ كەلەسى قارسىلاسى پولياك بوكسشىسى كاميل شەرەمەتا (21-0، 5 ك و) بولماق.
ول IBF چەمپيوندىق بەلبەۋىنە مىندەتتى قارسىلاس. قوس بوكسشىنىڭ اراسىنداعى جەكپە-جەك 8 ءى نە بولماسا 29-اقپان كۇنى ءوتۋى مۇمكىن. ازىرگە ۋاقىتى ناقتىلانباعان. ال جەكپە-جەكتى ا ق ش- تىڭ چيكاگو قالاسىنداعى Wintrust ارەناسى قابىلدايدى دەپ كۇتىلۋدە.
- كەلەسى اپتادا گولوۆكينمەن جولىعامىن. بەيسەنبى كۇنى كەزدەسىپ، ونىڭ كەلەسى جەكپە-جەگى تۋرالى سويلەسەمىز. گولوۆكيننىڭ مىندەتتى قارسىلاسى - كاميل شەرەمەتا. IBF بۇل جەكپە-جەككە رۇقسات ەتتى، - دەدى ەددي حيرن FightHub TV ارناسىنا بەرگەن سۇقباتىندا.
بۇعان دەيىن گولوۆكين مەن شەرەمەتا جەكپە-جەك ءۇشىن قانشا سىياقى الاتىنىن كەلىسكەن بولاتىن.
پولياك بوكسشىسى بۇل جەكپە-جەك ءۇشىن 235 مىڭ ەۋرو سىياقى الماق. بۇل ونىڭ مانسابىنداعى ەڭ قوماقتى قاراجات. 30 جاستاعى كاميل شەرەمەتا مانسابىندا 21 جەكپە-جەك وتكىزىپ، بارىندە جەڭىسكە جەتكەن. ونىڭ بەسەۋىن ۋاقىتىنان بۇرىن اياقتاعان ەكەن.
ەستەرىڭىزدە بولسا، گەننادي گولوۆكين 5- قازان كۇنى ۋكراينالىق سەرگەي دەريەۆيانچەنكوعا (13-2، 10 ك و) قارسى جەكپە-جەكتە ورتا سالماقتاعى بوس IBF جانە IBO بەلبەۋلەرىن جەڭىپ العان بولاتىن.
Massaget.kz
- جاپونيا كەلەسى ايدان باستاپ وليمپيادا سپورتشىلارى ءۇشىن شەكارانى اشۋى مۇمكىن
- قازاقستاندا تاعى ءبىر مەرەكە كۇنىن بەلگىلەۋ ۇسىنىلدى
- قازاقستاندىق دزيۋدوشى الەمدىك رەيتينگتە 5-ورىنعا كوتەرىلدى
- سۋ دوبىنان قازاقستان قۇراماسى توكيو وليمپياداسىنا جولداما الدى
-
حوككەي: «بارىس» قىتايلىق كلۋبتان باسىم ءتۇستى
-
فۋتبولدان ەل بىرىنشىلىگىنىڭ كۇنتىزبەسى جاريالاندى


