+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

كورەيا پرەزيدەنتى ازيا- تىنىق مۇحيت وڭىرىندەگى باستى اقپارات اگەنتتىكتەرىنىڭ باسشىلارىن قابىلدادى

7 قاراشا 17:09
:ءبولىسۋ
كورەيا پرەزيدەنتى ازيا- تىنىق مۇحيت وڭىرىندەگى باستى اقپارات اگەنتتىكتەرىنىڭ باسشىلارىن قابىلدادى

سەۋل. قازاقپارات - كورەيا رەسپۋبليكاسىنىڭ پرەزيدەنتى مۋن چجە ين بۇگىن ازيا- تىنىق مۇحيت وڭىرىندەگى باستى اقپارات اگەنتتىكتەرىنىڭ باسشىلارىن قابىلدادى، دەپ حابارلايدى «قازاقپارات» ح ا ا Yonhap اگەنتتىگىنە سىلتەمە جاساپ.

سەۋلدە OANA (ازيا- تىنىق مۇحيت ءوڭىرىنىڭ جاڭالىق اگەنتتىكتەرى ۇيىمى) باس اسسامبلەياسىنىڭ 17-وتىرىسى ءوتىپ جاتىر. سوعان قاتىسۋ ءۇشىن وڭتۇستىك كورەيا استاناسىنا بارعان 28 ەلدىڭ 32 اقپارات اگەنتتىگىنىڭ وكىلدەرىمەن كەزدەسۋدە كورەيا رەسپۋبليكاسىنىڭ باسشىسى كورەي تۇبەگىندەگى بەيبىتشىلىككە تۇراقتى تۇردە كوڭىل ءبولىپ، ۇزبەي قولداپ وتىرعانى ءۇشىن ريزاشىلىق ءبىلدىردى.


مۋن چجە ين وسى اقپارات اگەنتتىكتەرى 2018 -جىلعى قىسقى وليمپيادا ويىندارىنان بەرى بەيبىتشىلىك پروتسەستەرىنەن كەڭىنەن حابار تاراتىپ كەلە جاتقانىن، كورەيا رەسپۋبليكاسى مەن ك ح د ر باسشىلارى سامميتىنىڭ ءۇش راۋندىنا دا، ا ق ش پرەزيدەنتى دونالد ترامپتىڭ كورەي تۇبەگىنە جاساعان ساپارىنا، تاعى باسقا دا ءىس- شارالارعا ارنالعان ماتەريالدارىن جاريالاپ وتىرعانىن اتاپ كورسەتتى.

«سىزدەردىڭ نازارلارىڭىز بەن قولداۋلارىڭىز الەمنىڭ جاڭا تاريحىن جازۋىمىزعا سەپتىگىن تيگىزەدى دەپ سانايمىن»، - دەدى پرەزيدەنت مۋن.

OANA پرەزيدەنتى ءارى ازەربايجاننىڭ «ازەرتادج» مەملەكەتتىك اقپارات اگەنتتىگىنىڭ باس ديرەكتورى اسلان اسلانوۆ ءوز كەزەگىندە ۇيىمنىڭ 17-وتىرىسى جۋرناليستيكاداعى جاڭا سىن- تەگەۋرىندەرگە، وسى سالاداعى تەحنولوگيالىق يننوۆاتسيالارعا ارنالعانىن تىلگە تيەك ەتتى. ونىڭ ايتۋىنشا، وسى ماسەلەنى ІТ سالاسىنىڭ ليدەرى اتانعان وڭتۇستىك كورەيادا تالقىلاۋدىڭ قيسىنى بار.


اسلانوۆ كورەيا رەسپۋبليكاسى باسشىسىنىڭ كورەي تۇبەگىندە بەيبىتشىلىك ورناتۋىنا تىلەۋلەستىك ءبىلدىرىپ، حالىقارالىق بەيبىتشىلىككە قول جەتكىزۋ OANA ۇيىمىنىڭ باستى مىندەتتەرىنىڭ ءبىرى ەكەندىگىن ايتتى.

جۇما كۇنى OANA ءتوراعالىعى رەسمي تۇردە كورەيانىڭ Yonhap جاڭالىق اگەنتتىگىنە كوشەتىنىن ايتا كەتكەن ءجون. اگەنتتىك الداعى ءۇش جىلدا وسى ۇيىمعا ءتوراعا بولادى.

OANA باس اسسامبلەياسىنىڭ 17-وتىرىسىنا Yonhap باسشىلىعىنان تىس، Xinhua، Kyodo، ت ا س س جانە «قازاقپارات» ح ا ا سياقتى اقپارات اگەنتتىكتەرىنىڭ وكىلدەرى دە كەلگەن.

ەسكە سالايىق، كورەيا رەسپۋبليكاسىنىڭ پرەزيدەنتى مۋن چجە ين بيىل 21-23 - ءساۋىر كۇندەرى ستراتەگيالىق ديالوگتى ودان ءارى دامىتۋ ماقساتىمەن مەملەكەتتىك ساپارمەن قازاقستانعا كەلگەن ەدى. مۋن چجە ين نۇر- سۇلتاندا مەملەكەت باسشىسى قاسىم- جومارت توقايەۆپەن، ق ر تۇڭعىش پرەزيدەنتى - ەلباسى نۇرسۇلتان نازاربايەۆپەن كەزدەسىپ، قازاقستان- وڭتۇستىك كورەيا بيزنەس- فورۋمىنا قاتىسقان. فورۋمدا مەديتسينا، ماشينا جاساۋ، ازىق- تۇلىك ونەركاسىبى، ينفراقۇرىلىم، تاعى باسقا سالالاردا 30-دان استام قۇجاتقا قول قويىلدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات