قازاقستاندىقتاردىڭ قارجى اۋدارىمدارى تەكسەرىلەدى

None
None
نۇر-سۇلتان. قازاقپارات – ق ر قارجى مينيسترلىگى سالىق تولەۋدەن جالتاراتىن كاسىپكەرلەردى انىقتاۋ ءۇشىن ازاماتتاردىڭ اقشا اۋدارىمدارىن تەكسەرۋدى جوسپارلاپ وتىر. 

بۇل تۋرالى ق ر قارجى ءمينيسترىنىڭ مىندەتىن اتقارۋشى بەرىك شولپانقۇلوۆ ايتتى، دەپ حابارلايدى قازاقپارات ءتىلشىسى.

«ەگەر ادام كىرىس الاتىن بولسا، وندا ەلەكتروندى تۇردە جۇزەگە اسىرىلاتىن بارلىق پروتسەدۋراعا سالىق سالىنۋى ءتيىس. تولەم كوزىنەن ۇستالۋى ءتيىس. كولەمى ءارتۇرلى. ەگەر ول جەكە كاسىپكەر بولسا، وندا جەكە تابىس سالىعى، ال ەگەر زاڭدى تۇلعا بولسا، وندا كورپوراتيۆتىك تابىس سالىعى، قوسىلعان قۇن سالىعى جانە باسقالارى. بارلىق تولەمدەر جايىندا دا ايتۋعا بولمايدى. ءسىز ءوز جاقىندارىڭىزدىڭ بالانسىن تولتىرىپ، كومەك كورسەتۋىڭىز مۇمكىن. بارلىعى دەربەس قارالادى، ناقتى ءبىر سوما جوق»، - دەدى ول سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا وراي.

دەگەنمەن، مۇنىڭ بارلىق ەلەكتروندى ترانزاكسيالارعا قاتىسى بار ەكەندىگىن اتاپ ءوتتى.

«ماسەلەن، ەگەر ءسىز كوممۋنالدىق ەسەپشوتتى تولەسەڭىز ونى تەكسەرۋگە بولادى عوي. اتالعان قارجىنى الۋشى بار. وعان سالىق كوميتەتى مونيتورينگ جۇرگىزەدى. ەگەر ءارتۇرلى جەكە تۇلعالاردان تولەم تۇسەتىن بولسا، وندا ول ادام كەنەتتەن 1 مىڭ تەڭگەدەن الا باستادى؟ دەگەن سۇراق تۋىندايدى. ونىڭ كىرىس الىپ جاتقاندىعى دا تۇسىنىكتى. ال ءسىز اكەڭىزگە اقشا جىبەرسەڭىز ونىڭ كىرىس ەمەستىگى تۇسىنىكتى»، - دەدى بەرىك شولپانقۇلوۆ.

سونىمەن قاتار ول ادامداردىڭ ناۋقاسقا اقشا جيناۋ ماقساتىندا قاراجات اۋدارىمدارىنا قاتىستى ماسەلەنىڭ باسىن اشىپ بەردى.

«مۇنىڭ بارلىعى ارتىنان تەكسەرىلەدى. سالىق قىزمەتى تەكسەرەتىن بولادى. تولەم مارتەبەسى ەنگىزىلىپ قالار. ماسەلەن، اقشا اۋدارىمى تاۋارعا نەمەسە قايىرىمدىلىققا اۋدارىلدى دەگەن سياقتى. ياعني، سارالاۋ جۇرگىزىلۋى ءتيىس، بارلىق تولەمدەر بەلگىلەنىپ وتىرۋى قاجەت. ەگەر جاقىنىن قولداۋعا اۋدارسا، ءبىر ءتۇرى، تاۋار ساتىپ السا، باسقا ءتۇرى، تۇبىرتەك المايسىزدار عوي. ول ەسكى ۆەلەوسيپەد ساتتىڭ با، بىردەن بىزدە سالىق دەگەندەي بولمايدى»، - دەدى ول.

سوڭعى جاڭالىقتار