+7 (701) 759 90 19
-2 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

اسقار مامين «فرانسيا-قازاقستان» ساۋدا-ونەركاسىپ پالاتاسىنىڭ باسشىلىعىمەن كەزدەستى

7 قاراشا 15:34
:ءبولىسۋ
اسقار مامين «فرانسيا-قازاقستان» ساۋدا-ونەركاسىپ پالاتاسىنىڭ باسشىلىعىمەن كەزدەستى

نۇر-سۇلتان. قازاقپارات – ق ر پرەمەر-ءمينيسترى اسقار مامين «فرانسيا-قازاقستان» ساۋدا-ونەركاسىپ پالاتاسىنىڭ پرەزيدەنتى جەرەر فريەستىڭ جەتەكشىلىگىمەن پالاتا وكىلدەرىن قابىلدادى، دەپ حابارلايدى قازاقپارات ۇكىمەت باسشىسىنىڭ رەسمي سايتىنا سىلتەمە جاساپ.

«فرانسيا قازاقستاننىڭ ەۋروپاداعى نەگىزگى سەرىكتەستەرىنىڭ ءبىرى. ءبىزدىڭ ەلدەرىمىزدىڭ اراسىنداعى ينۆەستيتسيالىق جانە ساۋدا-ەكونوميكالىق ىنتىماقتاستىق بەلسەندى دامۋدا. فرانسۋز كومپانيالارى ەنەرگەتيكا، اۋىل شارۋاشىلىعى، ماشينا جاساۋ جانە قازاقستان ەكونوميكاسىنىڭ باسقا دا سەكتورلارىندا كەڭىنەن تارتىلعان»، — دەدى ا. مامين.

بيىل 9 ايدا قازاقستان مەن فرانسيا اراسىنداعى تاۋار اينالىمى %6 دان استامعا $3,4 ميللياردقا دەيىن ءوستى. ق ر ەكونوميكاسىنا تىكەلەي فرانسۋز ينۆەستيتسيالارىنىڭ اعىمى وسى جىلدىڭ ءبىرىنشى جارتىسىندا %24- عا $537 ميلليونعا دەيىن ارتتى.

قازاقستاندا ءتۇرلى سالالاردا فرانسۋز كاپيتالىنىڭ قاتىسۋىمەن 230 عا جۋىق كاسىپورىن جۇمىس ىستەيدى، ونىڭ ىشىندە Total, Orano, Alstrom جانە باسقالارى ءتارىزدى ءىرى ترانسۇلتتىق كورپوراتسيالار بار. تاۋەلسىزدىك جىلدارى فرانسيا كومپانيالارى قازاقستانعا $16,4 ميللياردتان استام ينۆەستيتسيا سالدى.

ۇكىمەت باسشىسى مەن فرانسۋز كومپانياسىنىڭ وكىلدەرى ەكى ەلدىڭ بيزنەس قۇرىلىمدارى اراسىنداعى ءوزارا ءتيىمدى ىنتىماقتاستىقتى نىعايتۋ جانە قازاقستاندا بىرلەسكەن جاڭا ينۆەستيتسيالىق جوبالاردى ىسكە اسىرۋ ماسەلەلەرىن تالقىلادى.

كەزدەسۋگە ق ر سىرتقى ىستەر ءمينيسترى م. تىلەۋبەردى، ەنەرگەتيكا ءمينيسترى ق. بوزىمبايەۆ، اۋىل شارۋاشىلىعى ءمينيسترى س. وماروۆ، ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ، يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق. وسكەنبايەۆ، قارجى ۆيتسە-ءمينيسترى ر. بەكەتايەۆ قاتىستى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات