+7 (701) 759 90 19
-7 °С : نۇر-سۇلتان
-1 °С : الماتى
USD 388.81 EUR 429.01
RUB 6.08 CNY 55.49
جاڭالىقتار

سەمەيلىك وقۋشىلار دومبىراشى روبوت قۇراستىردى

7 قاراشا 14:35
:ءبولىسۋ
سەمەيلىك وقۋشىلار دومبىراشى روبوت قۇراستىردى

سەمەي. قازاقپارات - سەمەيدە فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ ينفورماتيكا ءپانى مۇعالىمى باقىتبەك ورىنبايەۆ پەن وقۋشىلار ميراس مۇراتقانوۆ، نۇربول ماقتايەۆ دومبىرادا ويناي الاتىن روبوت قۇراستىردى، دەپ حابارلايدى قازاقپارات ءبىلىم وشاعىنىڭ باسپا ءسوز قىزمەتىنە سىلتەمە جاساپ.

ونەرتاپقىشتار بۇل ەڭبەكتەرىن ابايدىڭ 175 جىلدىعىنا ارناپ وتىر.

«ءار وقۋ جىلى باستالاردا الدىمىزعا ماقسات قويامىن. ورتاق ويىمىز جاڭا ءبىر تۋىندىنى جاساپ، قۇراستىرۋ ارقىلى مەكتەپ وقۋشىلارىن شىعارماشىلىققا ەلىتۋ، ولاردىڭ قىزىعۋشىلىعىن ارتتىرۋ. روبوتقا دومبىرامەن كۇي تارتتىرۋ يدەياسى ءبىراز ۋاقىت ويدا ءجۇردى. ءساتى وسى ۋاقىتتا ءتۇسىپ وتىرعان جوبانى جۇزەگە اسىرۋعا تولىق 1 اي ۋاقىت جۇمسادىق. الدىمەن روبوتتى قۇراستىرىپ، سودان- سوڭ ولاردىڭ پەرنەنى باسۋشى، ىشەكتى قاعۋشى سياقتى ءاربىر بولىكتەرىن جەكە- جەكە جاسادىق»، - دەيدى زياتكەرلىك مەكتەپ ءمۇعالىمى، جوبا جەتەكشىسى باقىتبەك نۇرلىبەك ۇلى.

كۇيشى روبوتتى قۇراستىرۋشىلاردىڭ سوزىنە قاراعاندا، بۇعان دەيىن وسىعان ۇقساسى بولعان. تەك ول ءبىر كۇيدى ورىنداۋمەن عانا شەكتەلەتىن. ال، مىنا جاڭا قۇرىلعى دومبىراداعى بارلىق پەرنەنى ەركىن باسىپ، ىشەكتى قالاۋىنشا قاعا الۋ ارتىقشىلىعىنا يە. ال ەگەر كۇيدى ورىنداۋدا قاتەلىكتەر بولسا، وندا پروپورتسيونالدى ديففەرەنتسيالداۋشى رەتتەگىش ارقىلى ءوزى ەسەپتەپ، رەتتەپ وتىرادى.


روبوت دومبىرادا كۇيدى كومپيۋتەرگە ەنگىزىلگەن نوتالار ارقىلى ورىندايدى. قۇراستىرۋشىلار كۇيدىڭ ورىندالۋ جىلدامدىعىن دا قالاۋىنشا وزگەرتۋلەرىنە قول جەتكىزگەن. ەندى قازىردىڭ وزىندە جوبا دانا ابايدىڭ «تورجورعا»، حالىق كۇيى «قارا جورعا» مەن حالىق ءانى «ەركەم- ايدى» ورىنداي الادى. ۇستاز بەن شاكىرتتەر ءوز تۋىندىلارىنىڭ كەز كەلگەن شىعارمانى نوتا ارقىلى ورىنداۋعا قاۋقارلى ەكەنىنە سەنىمدى.


ەستەرىڭىزگە سالساق، باقىتبەك نۇرلىبەك ۇلى بۇعان دەيىن 2018 -جىلدىڭ تۇلەگى ءادىل وردايەۆ ەسىمدى وقۋشىسىمەن بىرلەسىپ قۇلتەمىرگە قارا جورعا بيلەتكەن ەدى. ەندى مىنە تاعى ءبىر تىڭ جاڭالىعىمەن جۇرتشىلىقتى تاڭعالدىرۋدا.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات