+7 (701) 759 90 19
-25 °С : نۇر-سۇلتان
1 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

نۇر- سۇلتان قالاسىندا ءۇي سالۋ ءۇشىن رۇقساتتى قالاي الادى

7 قاراشا 14:05
:ءبولىسۋ
نۇر- سۇلتان قالاسىندا ءۇي سالۋ ءۇشىن رۇقساتتى قالاي الادى

نۇر- سۇلتان. قازاقپارات - ەلوردادا عيمارات سالۋ ءاردايىم وزەكتى ماسەلەلەردىڭ ءبىرى بولىپ كەلەدى. ءۇي سالۋ ءۇشىن رۇقساتتى قالاي الاتىنى تۋرالى نۇر- سۇلتان قالاسى ساۋلەت، قالا قۇرىلىسى جانە جەر قاتىناستارى ءبولىمىنىڭ باستىعى نۇرلان ۇرانحايەۆ ايتىپ بەردى، دەپ حابارلايدى قازاقپارات ءتىلشىسى.

«ەگەر ادامنىڭ جەر ۋچاسكەسى بولسا جانە ول قالا قۇرىلىسىنىڭ بارلىق نورمالارىنا سايكەس كەلسە، سول جەردىڭ يەسى قۇرىلىستى باستاماس بۇرىن ساۋلەت- جوسپارلاۋ تاپسىرماسىن الۋى كەرەك. بۇل مەملەكەتتىك قىزمەتتى ساۋلەت، قالا قۇرىلىسى جانە جەر قاتىناستارى ءبولىمى ۇسىنادى» ، - دەپ اتاپ ءوتتى نۇرلان ۇرانحايەۆ.

سونىمەن قاتار، بۇل ماسەلە مەملەكەتتىك قىزمەت تۋرالى بولعاندىقتان، قۇجاتتى بەرۋ ۋاقىتى رەگلامەنتتەلگەن.

«ەگەر ءبارى سايكەس كەلسە، مىسالى، قىزىل سىزىققا كىرمەگەن بولسا، جوسپارعا سايكەس كەلسە ءۇي سالۋعا رۇقسات الۋعا بولادى. كەلەسى قادام - ەسكيزدى جوبانى كەلىسۋ. بۇل دا نۇر- سۇلتان قالاسى ساۋلەت، قالا قۇرىلىسى جانە جەر قاتىناستارى ءبولىمىنىڭ مەملەكەتتىك قىزمەتىنە جاتادى. ءتۇسىندىرۋدى جەڭىلدەتۋ ءۇشىن ءبىز حالىققا ارناپ قايدا بارۋ كەرەك جانە قانداي قۇجاتتار قاجەت ەكەندىگى تۋرالى جادىنامالار جاسادىق» ، - دەيدى سپيكەر.

ساۋلەت- جوسپارلاۋ تاپسىرماسىن الىپ، الدىن الا جوبالاۋدى كەلىسكەننەن كەيىن تاپسىرىس بەرۋشى ساراپتامادان ءوتىپ، قۇرىلىستى باستاۋى كەرەك.

«قۇرىلىس جۇمىستارى اياقتالعاننان كەيىن نىسان پايدالانۋعا بەرىلەدى. زاڭعا سايكەس نۇر- سۇلتان ساۋلەت، قالا قۇرىلىسى جانە جەر قاتىناستارى ءبولىمىنىڭ بارلىق مەملەكەتتىك قىزمەتتەرى اقىسىز كورسەتىلەدى» ، - دەيدى ەلوردانىڭ باس ساۋلەتشىسى.

ەسكە سالا كەتسەك، نۇرلان ۇرانحايەۆ 2019 -جىلدىڭ مامىر ايىندا قالانىڭ ساۋلەت، قالا قۇرىلىسى جانە جەر قاتىناستارى ءبولىمىنىڭ باسشىسى بولىپ تاعايىندالدى.

بۇعان دەيىن ول قالانى اباتتاندىرۋدىڭ 2020-2025 -جىلدارعا ارنالعان باعدارلاماسى تۋرالى ايتقان بولاتىن. ونىڭ ايتۋىنشا، استانانىڭ بەس شارتتى پوليورتالىقتارى داميدى. ولار: ەسكى الاڭ اۋماعى، بەيبىتشىلىك كوشەسى جانە بوگەنباي باتىر داڭعىلى، «ەۋرازيا» اۋماعىنداعى كوشەلەر، قوسشىعۇل ۇلى كوشەسى، ازەربايەۆ كوشەسى، قوشقاربايەۆ كوشەسى جانە جۇرگەنوۆ كوشەلەرىنىڭ اۋماعى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات