ناسا سپۋتنيگى امازونيا ۇستىندە اۋانىڭ بىردەن قۇرعاپ كەتكەنىن تىركەدى

None
None
نۇر- سۇلتان. قازاقپارات - سوڭعى 20 جىلدا امازونكا باسسەينىنىڭ ۇستىندە اتموسفەرانىڭ تومەنگى قاباتىنداعى سۋدىڭ مولشەرى ادامنىڭ كەسىرىنەن بىردەن تومەندەپ كەتكەن. بۇعان NASA كليماتتىق سپۋتنيگىنىڭ دەرەكتەرى دالەل بولا الادى.

 سونىڭ سالدارىنان الەمدەگى ەڭ ۇلكەن تروپيكالىق ورمانداردىڭ اۋماعى بىردەن قىسقارۋى مۇمكىن، دەپ حابارلايدى ناسا رەاكتيۆتى قوزعالىس زەرتحاناسىنىڭ (JPL) باسپا ءسوز قىزمەتىنەن.

ەكولوگتاردىڭ اعىمداعى باعالاۋى بويىنشا، امازوندىق تروپيكالىق ورماندار 5,5 ميلليون شارشى شاقىرىمدى الىپ جاتىر. ولار جەردەگى بارلىق ءتىرى اعزالاردا ساقتالعان كومىرتەكتىڭ شامامەن % 10 قۇرايدى جانە جىل سايىن وندىرىلەتىن بيوماسسانىڭ وسىنداي مولشەرىنە يە. سونىمەن قاتار، ولار فوتوسينتەتيكالىق اعزالاردىڭ جەر بەتىنە شىعاراتىن جالپى وتتەگىنىڭ %6 قۇرايدى.

زەرتتەۋشىلەر سوڭعى جىلدارداعى كورسەتكىشتەرگە بايلانىستى امازون ورماندارىنىڭ تاعدىرىنا الاڭداۋلى.

ءبىر جاعىنان، عالىمدار سوڭعى جىلدارى امازونياداعى ورمان كەسۋ قارقىنىنىڭ ءوسىپ كەلە جاتقاندىعىنا الاڭداۋشىلىق بىلدىرە باستادى. سونىمەن قاتار، كليماتولوگتاردىڭ ەسەپتەۋلەرى كورسەتىپ وتىرعانداي، وڭتۇستىك امەريكانىڭ ەكۆاتورلىق جانە تروپيكالىق ورماندارى الداعى ونجىلدىقتاردا جاۋىن- شاشىننىڭ ازايۋىنا جانە تەمپەراتۋرانىڭ كوتەرىلۋىنە بايلانىستى تۇراقسىز بولادى. بۇل ولاردىڭ كەلەسى عاسىردىڭ باسىندا تولىقتاي جويىلۋىنا اكەلىپ سوقتىرۋى مۇمكىن.

سوڭعى جاڭالىقتار