13:04, 07 - قاراشا 2019 | GMT +6
يتاليادا ەرەكشە بالا دۇنيەگە كەلدى
نۇر- سۇلتان. قازاقپارات - يتاليادا وتە سيرەك كەزدەسەتىن اۋرۋى بار نارەستەدەن اتا- اناسى باس تارتتى. ءسابي تىكەلەي كۇن ساۋلەسى تيمەي ءومىر ءسۇرۋى كەرەك، دەپ جازادى BBC.
دجوۆاننو ەسىمدى ءتورت ايلىق بالاعا يحتيوز ارلەكين گەنەتيكالىق اۋرۋ دياگنوزى قويىلعان.
«بالانى اتا اناسى تاستاپ كەتتى» ، دەيدى اۋرۋحانا مەدبيكەلەرى.
ايتا كەتۋ كەرەك، بۇل اۋرۋ ميلليون ادامنىڭ بىرەۋىندە عانا كەزدەسەدى. ادامنىڭ تەرىسى قۇرعاق بولعاندىقتان، قول مەن اياق قوزعالىسى قولايسىزدىق تۋعىزادى. سونىمەن قاتار بۇل دەرت ينفەكتسيالارعا توتەپ بەرۋ قابىلەتىن تومەندەتەدى. اۋرۋدىڭ بەلگىلەرى بالا تۋعاننان كەيىن العاشقى جىلدا پايدا بولا باستايدى.