تۇڭعىشباي جامانقۇلوۆتىڭ باسى تاعى داۋعا قالدى
بىردەن جەتى وتباسى وزدەرىنىڭ ءۇيى مەن باقشاسى ارتىسكە تيەسىلى جەردىڭ اۋماعىنا كىرىپ كەتكەندىگىن انىقتاعان. ءبارىن قوسقاندا 70 سوتىق جەل ءتىلىمى قالاي ەكەنى بەلگىسىز تانىمال اكتەردىڭ قوجالىعىنا اۋسىپ كەتىپتى. مۇنى انىقتاعان جەردىڭ قوجايىندارى مۇنىمەن كەلىسپەيتىندەرىن كورسەتىپ، جەردى تۇڭعىشباي جامانقۇلوۆتان بۇرىن ساتىپ العاندىقتارىن جەتكىزدى، دەپ حابارلايدى 31 -ارنانىڭ «ينفورمبيۋرو» جاڭالىقتار باعدارلاماسى.
وزدەرىنىڭ ۇيلەرى اكتەردىڭ جەرىنە كىرىپ كەتكەندىگىن بىلگەن وتباسىلار بىرنەشە رەت سوتقا ارىزدانعان دا ەكەن، الايدا بۇدان ناتيجە بولماپتى.
«الاتاۋ اۋداندىق سوتىنا شاعىمدانعانبىز، ءبىراق ولار بىزگە جولاعىلارى كەلمەيتىندىگىن بايقاتتى. ارينە، تۇڭعىشباي جامانقۇلوۆ بەدەلدى تۇلعالاردىڭ ءبىرى، ءبىراق ءبىز دە وزىمىزگە تيەسىلى جەردى بەرگىمىز كەلمەيدى. مەن بۇل جەردى 2004 -جىلى ساتىپ الىپ، ءۇي تۇرعىزىپ، ءۇش بالاممەن كوشىپ كەلگەن بولاتىنمىن. 2014 -جىلى جامانقۇلوۆ مىرزا كەلىپ، بۇل جەر مەنىكى دەمەسى بولادى ما؟ مەنىڭ بۇل جەر تەلىمىنىە قاتىستى رەسمي قۇجاتتارىم بار» - دەدى تۇرعىنداردىڭ ءبىرى.
ايتۋلارىنشا، بۇل ماسەلە ىقشام اۋدان قالاعا قوسىلعاننان كەيىن پايدا بولعان. ولار ءالى كۇنگە دەيىن وبلىس بەرگەن قۇجاتتاردى قايتا تىركەۋدەن وتكىزە الماي جۇرگەن كورىنەدى.
«وسى جەردەن مەملەكەتتىك اكتى العان بولاتىنبىز. ونى بىزگە 2004 -جىلى جازىپ بەرگەن. اۋداندى قالاعا قوسقان كەزدە قۇجاتتارىمىزدى قالاعا تىركەۋدەن ءوتۋ ءۇشىن اۋدان ورتالىعىنا بارساق، بۇل جەر 2006 -جىلدان بەرى تۇڭعىشباي جامانقۇلوۆقا ساتىلىپ كەتكەن ەكەن»، - دەدى تاعى ءبىر تۇرعىن جولان بەكەبايەۆ.
اكتەردىڭ ءوزى العاباستاعى جەر تەلىمى بار ەكەندىگىن راستاپ وتىر. ونىڭ ايتۋىنشا، بۇل جەردى ول زاڭدى جولمەن ساتىپ العان، سول سەبەپتى جەردى جايدان جاي تۇرعىندارعا سىيلاي المايدى ەكەن. ءبارىن سوت شەشسىن دەپ وتىر.
قيىن جاعدايعا بىردەن 7 وتباسى تاپ بولعان كورىنەدى. تۇرعىندار ادىلدىكتى ىزدەپ سوت الدىن تورۋىلداعاننان شارشادىق دەپ وتىر. ولار تەزىرەك ۇيلەرىن ءوز اتىنا اۋدارىپ، وزدەرىن جانە وتباسىلارىن تىركەۋدەن وتكىزۋدى قالاپ وتىر.