ستالينمەن فوتوعا تۇسكەن قىزدىڭ تاعدىرى نە بولدى؟
كەيىن ول ۇزاق ۋاقىت كەڭەس وداعىندا بالاعا دەگەن قۇرمەت پەن مەيىرىمدىلىكتىڭ سيمۆولى بولدى. بۇل پورترەت ءار جەرلەرگە ءىلىنىپ، مەرەكەلەردە كورسەتىلدى. ونداعى ماقسات، ستاليندى بالاجان ادام رەتىندە تانىتۋ ەدى.
بۇل فوتوعا تۇسكەن قىز سول كەزدە سەگىز جاسار ەنگەلسينا چەشكوۆا ەدى. ونىڭ اكەسى جوعارعى پارتيالىق قىزمەتتە بولىپ، كرەملدە ستالينمەن كەزدەسەتىن دەلەگاتسيا قۇرامىنا ءوزىنىڭ قىزىن قوسادى. ال، سول باسقوسۋدا كىشكەنتاي ەليا جۇگىرىپ شىعىپ ستالينگە قولىنداعى گۇلىن تابىس ەتەدى. بالانى كورگەن ستالين ونى قۇشاقتاپ، بىردەن كوتەرىپ الدى. اتاقتى سۋرەت سول كەزدە تاسپاعا باسىلدى.
الايدا، ومىردە جاعداي تۋرا سۋرەتتەگىدەي بولا بەرمەيدى. بۇكىل وداققا باقىتتى بالا رەتىندە تانىلعان ەنگەلسينا چەشكوۆانىڭ تاعدىرى باسقاشا بولدى. ونىڭ ستالينمەن كەزدەسۋىنەن كەيىن تۋرا ءبىر جىل وتىسىمەن 1937 -جىلى اكەسى اردان ماركيزوۆ قۋعىنعا ۇشىراپ، 10 جىلعا سوتتالدى.
ال، اناسى تۇتقىنعا الىنىپ، جەر اۋدارىلدى. كەيىن، قاپاستا كوز جۇمدى دەگەن حابار كەلگەن. مىنە، بارلىق كەڭەس حالىقتارىنا باقىتتى بالانىڭ سيمۆولى رەتىندە كورسەتىلگەن ەنگەلسينا چەشكوۆانىڭ شىن مانىندەگى ءومىرى وسىنداي ەدى. نەبارى 8 جاسىندا جەتىم قالعان قىز كەيىن اجەسىنىڭ قولىندا وسەدى...
ايبول قاراشيەۆتىڭ الەۋمەتتىك جەلىدەگى پاراقشاسىنان الىندى