لي شاۋ لۇڭ تۋرالى قىزىقتى دەرەكتەر

نۇر-سۇلتان. قازاقپارات - بريۋس لي (لي شاۋ لۇڭ) وتە شاپشاڭ ءارى سوققىسى اسا جىلدام ادام بولعان. ونىڭ سوققىسىنا ادامنىڭ كوزى ەمەس، كامەرالار دا ىلەسە الماعان.

سپورتشىنىڭ قاتىسۋىمەن كەزەكتى گولليۆۋد فيلمىن ءتۇسىرۋ كەزىندە ءبىر سەكۋندتا 24 كادر الاتىن كامەرا بريۋس ليدىڭ سوققىسىن ءدال تۇسىرە الماي، ول 32 كادرلىك كامەراعا اۋىستىرىلعان.

ءسويتىپ، بريۋستىڭ سوققىسىنىڭ جىلدامدىعى 1 مەتر جەردەن 0,5 سەكۋند دەپ ەسەپكە الىنىپتى. ياعني، ونىمەن جەكپە-جەككە شىققان ادام كوزدى اشىپ جۇمعانشا ءبىر جاعىنا شىعاتىن بولعان.

بريۋس ليدىڭ ەرەكشە جىلدامدىعى مەن سپورتتىق جەتىستىكتەرىن ءالى ەشكىم قايتالاعان جوق. ول ءبىر قولمەن عانا تۇرىپ، ەكى ساۋساعىمەن 50 رەت وتجىمانيا جاساي العان.

سونىمەن قاتار، جارتى ساعات بويى كەز كەلگەن نۇكتەدە پرەستى ۇستاپ تۇرىپ، تۇرعان جەرىنەن 2,5 مەتر بيىكتىككە دەيىن سەكىرىپ كەتەتىن. ول ءوزىنىڭ جەكپە-جەكتەگى قارسىلاسىن 11 سەكۋندتا-اق نوكاۋتقا جىبەرگەن.

الايدا، بۇل ەڭ جىلدامى. ال، قالىڭ كىرپىشتەردى سىندىرىپ، سىرىڭكەنى جۇدىرىق سوققىسىمەن جاعۋ بريۋس ليدىڭ كۇندەلىكتى ىسىنە اينالىپ كەتكەن ەدى.

وسىنداي مىقتى ادامنىڭ عۇمىرى قىسقا بولدى. ول ساناۋلى عانا فيلمگە ءتۇسىپ، كەيىن جۇمباق جاعدايدا قازا تاپتى. بريۋس لي ءوزىنىڭ بالاسى برەندان لي ەكەۋى ا ق ش-تىڭ سيەتل قالاسىندا جەرلەنگەن...

ايبول قاراشەۆتىڭ الەۋمەتتىك جەلىدەگى پاراقشاسىنان