جانىبەك ءالىمحان ۇلىنىڭ جەكپە-جەگىن قايدان كورۋگە بولادى

نۇر-سۇلتان. قازاقپارات - قازاقستاندىق كاسىپقوي بوكسشى جانىبەك ءالىمحان ۇلىنىڭ (7-0، 3 ك و) 9 -قاراشادا وتەتىن ايقاسىن «حابار» ارناسى تىكەلەي ەفيردەن كورسەتەتىن بولدى، دەپ حابارلايدى قازاقپارات ءتىلشىسى.

«10 -قاراشا كۇنى «حابار» ارناسى جەكپە- جەكتى تىكەلەي ەفيردەن كورسەتەدى. جەڭىستى كۇندە جولىققانشا»، - دەپ حابارلاندى Janibek_alimkhanuly_team پاراقشاسىندا.

ەسكە سالا كەتسەك، جانىبەك ءالىمحان ۇلى كەزەكتى جەكپە-جەگىن 39 جاستاعى كانادالىق بوكسشى البەرت ونولۋنوسقا قارسى وتكىزەتىنى بۇعان دەيىن حابارلانعان بولاتىن. 26 جاستاعى قازاقستاندىق بوكسشى ءوزىنىڭ ورتا سالماقتاعى WBC Continental Americas تيتۋلىن 9 -قاراشادا فرەسنو قالاسىندا (كاليفورنيا، ا ق ش) قورعايدى.

ول سوڭعى جەكپە-جەگىن 17 -تامىزدا لوس-اندجەلەستە وتكىزدى. بەسىنشى راۋندتا كانادالىق ستيۋارت ماكلەللاندى نوكاۋتقا جىبەرىپ، WBC Continental America جانە WBO Global ورتاشا سالماق دارەجەسىن قورعاعان بولاتىن.

اۆتور: ايان بەكەن ۇلى