+7 (701) 759 90 19
-2 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

تارازدىق پوليتسەيلەر ماس جۇرگىزۋشىنى تاپانشانىڭ كومەگىمەن توقتاتتى

7 قاراشا 07:32
:ءبولىسۋ
تارازدىق پوليتسەيلەر ماس جۇرگىزۋشىنى تاپانشانىڭ كومەگىمەن توقتاتتى

تاراز. قازاقپارات - جامبىلدىق پوليتسەيلەر تابەلدىك قارۋدى قولدانىپ، جاسىرىنۋعا ارەكەت جاساعان جۇرگىزۋشىنى ۇستادى، دەپ حابارلايدى قازاقپارات ءتىلشىسى.

جول ەرەجەسىن بۇزعان كۇدىكتىنى تاراز قالاسىنىڭ پوليتسيا باسقارماسىنىڭ جەرگىلىكتى پوليتسيا قىزمەتى ءبولىمى پاترۋلدىك پوليتسيا باتالونىنىڭ قىزمەتكەرلەرى ۇستادى. بۇل تۋرالى وبلىستىق پوليتسيا دەپارتامەنتىنىڭ باسپا ءسوز قىزمەتى مالىمدەدى.

«ميرزويان كوشەسىندەگى №5-ءۇيدىڭ جانىندا مانيەۆرلەۋ ەرەجەسىن بۇزعانى ءۇشىن وبلىس ورتالىعىنىڭ 38 جاستاعى تۇرعىن تىزگىندەگەن «تويوتا كامري-40» اۆتوكولىگى توقتاتىلدى. الايدا، جۇرگىزۋشى پوليتسيا قىزمەتكەرلەرىنىڭ زاڭدى تالاپتارىنا باعىنباي، داۋىس زورايتقىشپەن تابەلدىك قارۋدى قولدانۋ مۇمكىندىگى تۋرالى ەسكەرتۋدى ەلەمەي، «جىگەر» تۇرعىن ءۇي ماسسيۆىنە قاراي قاشۋعا ارەكەت جاساعان. قوشانوۆ كوشەسىندەگى ۇيلەردىڭ بىرىنە توقتاعان سوڭ، جۇرگىزۋشى اۆتوكولىكتەن شىعۋدان باس تارتىپ، تاعى دا قاشىپ كەتۋگە تالپىنعان. سالدارىنان پوليتسيا قىزمەتكەرلەرى كولىك قۇرالىن توقتاتۋ ماقساتىندا تابەلدىك قارۋدى قولدانۋعا ءماجبۇر بولدى. العاشقى ەسكەرتۋ وعى اۋاعا، قالعاندارى كولىك دوڭگەلەكتەرىنە اتىلدى»، - دەلىنگەن ۆەدومسۆو حابارلاماسىندا.

ودان سوڭ كوپ ۇزاماي جۇرگىزۋشى تۇرعىلىقتى جەرى بويىنشا قولعا تۇسكەن. كۋالاندىرۋ اكتىسىنە سايكەس، ول جەڭىل دارەجەدە الكوگولدىك ماس كۇيىندە بولعان.

جۇرگىزۋشىگە قاتىستى قر اقبتك 595-بابىنىڭ 1-بولىگى، 608-بابىنىڭ 1-بولىگى جانە 613-بابىنىڭ 1-بولىگى بويىنشا حاتتامالار تولتىرىلدى.

قازىرگى تاڭدا كولىك قۇرالى ارنايى تۇراققا قويىلىپ، فاكتىگە قاتىستى ءتيىستى ساراپتامالار تاعايىندالعان.

اۆتور: عيبرات سەمباي


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات