تەك ءوسىمى توقتادى – ۇ ق ك پولكوۆنيگى دەسترۋكتيۆتى اعىمعا ەرگەندەرمەن جۇمىس جايلى

None
None
نۇر- سۇلتان. قازاقپارات - ۇلتتىق قاۋىپسىزدىك كوميتەتىنىڭ تەولوگتارمەن، ءدىنتانۋشىلار بىرگە جۇرگىزگەن جۇمىستارى تەك دەسترۋكتيۆتى يدەولوگيانى ۇستاناتىن ازاماتتار سانىنىڭ ءوسىمىن توقتاتقان.

وسىعان بايلانىستى ق ر  ۇ ق ك تەرروريزمگە قارسى ورتالىق باستىعىنىڭ ورىنباسارى سەرگەي شۆەيكين بۇل باعىتتا الدىن الۋ جۇمىسى بارىنشا كۇشەيتىلەتىنىن ءمالىم ەتتى، دەپ حابارلايدى قازاقپارات ءتىلشىسى.

«قىلمىستىق اتقارۋ جۇيەسى مەكەمەلەرىندە جۇرگىزىلەتىن الدىن الۋ جۇمىستارىنىڭ ساپاسى ەڭ الدىمەن، ءدىن سالاسىنداعى مامانداردىڭ كاسىبيلىگىنە تىكەلەي بايلانىستى. ەكسترەميزم مەن تەرروريزم ءۇشىن سوتتالعان ادامدارمەن جۇمىس ايتارلىقتاي كۇردەلى. دەسە دە، بۇل باعىتتا دا ناقتى ۇلگىلەر بارشىلىق. وتكەن جىلى عانا 144 سوتتالعان ازاماتتىڭ ءدىني كوزقاراسىن وزگەرتۋگە قول جەتكىزىلدى»، - دەدى سەرگەي شۆەيكين ەلوردادا ءوتىپ جاتقان قازاقستان ءدىن تانۋشىلارىنىڭ فورۋمىندا.

ونىڭ ايتۋىنشا، قۇزىرلى ۆەدومستۆو تاراپىنان مامانداردىڭ بىلىكتىلىگىن ارتتىرۋ جۇمىسىنا باسا ماڭىز بەرىلەدى.

«2015 -جىلدان بەرى ارنايى قۇرىلعان ۇ ق ك- نىڭ تەررويزمگە قارسى دايىندىق ورتالىعىندا بىلىكتىلىگىن ارتتىرۋ كۋرستارى ۇيىمداستىرىلعان بولاتىن. اقپاراتتىق ءتۇسىندىرۋ توپتارىنىڭ مۇشەلەرى اقپاراتتىق تۇرعىدا ىقپال ەتۋ تەحنولوگيالارىن جەتىلدىرىپ، ءبىزدىڭ پسيحولوگتارعا وپپونەنتكە پسيحولوگيالىق اقپاراتتىق ىقپال ەتۋ امال- ادىستەرى ۇيرەتىلۋدە، تۇلعانىڭ پسيحولوگياسى زەرتتەلىپ، اڭگىمەلەسۋ جولدارى زەردەلەنەدى. اتالعان كونتينگەنتپەن جۇمىس بارىسىندا وسى امال- ادىستەر قولدانىلىپ جاتقانىنا سەنىمدىمىز»، - دەدى ول.

سەرگەي شۆەيكيننىڭ ايتۋىنشا، قازىرگى تاڭدا تەولوگتارمەن، ءدىنتانۋشىلار بىرگە جۇرگىزىلگەن جۇمىستار تەك دەسترۋكتيۆتى يدەولوگيانى ۇستاناتىن ازاماتتار سانىنىڭ ءوسىمىن توقتاتقان.

«بولاشاقتا الدىن الۋ جۇمىستارى ولاردىڭ سانىن ازايتۋى كەرەك. تەرروريزمگە قارسى ورتالىقتىڭ پوزيتسياسى: ءبىز كەز كەلگەن باستامانى قولداۋعا دايىنبىز»، - دەدى سەرگەي شۆەيكين

ەسكە سالا كەتسەك، ەلوردادا بۇگىن قازاقستان ءدىن تانۋشىلارىنىڭ Ⅺفورۋمى ءوتىپ جاتىر. سەرگەي شۆەيكين جيىندا قازاقستاندا دەسترۋكتيۆتى اعىمدى ۇستاناتىنداردىڭ سانى 20 مىڭنان اساتىنىن ايتقان ەدى. ءوز كەزەگىندە قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى وراز تۇرمەلەردە قىزمەت ەتەتىن يمامدارعا جالاقى تاعايىنداۋدى ۇسىندى.

اۆتور: ايان بەكەن ۇلى

سوڭعى جاڭالىقتار