رەسەي قازاقستانعا بايقوڭىرداعى جەردىڭ ءبىر بولىگىن قايتارادى

نۇر-سۇلتان. قازاقپارات - قازاقستان مەن رەسەي ۇكىمەتتەرى اراسىندا «بايقوڭىردى» جالعا بەرۋ كەلىسىمىنە وزگەرىستەر ەنگىزىلدى.

سايكەس حاتتامانى ءماجىلىس دەپۋتاتتارى پالاتانىڭ پلەنارلىق وتىرىسىندا راتيفيكاتسيالادى دەپ حابارلايدى KAZ. NUR. KZ.

وزگەرىستەر رەسەي تاراپىنا جالعا بەرىلگەن جەر تەلىمدەرىن قايتارۋدى قاراستىراتىن قوسىمشاعا ەنگىزىلدى. اتالعان اۋماق اقاي مەن تورەتام ەلدى مەكەندەرىنە جاقىن ماڭدا ورنالاسقان. ونىڭ كولەمى 11,6 مىڭ گەكتاردى قۇرايدى.

اۋىل شارۋاشىلىعى ءمينيسترى ساپارحان وماروۆ قايتارىلعان جەردىڭ قانداي ماقساتتا پايدالانىلاتىنىن اتاپ ءوتتى. ايتۋىنشا، ول جەردە رەسپۋبليكالىق ماڭىزى بار نىسانداردىڭ قۇرىلىسى جۇرگىزىلەدى.

وسىلايشا، اتالعان اۋماقتا «باتىس ەۋروپا - باتىس قىتاي» حالىقارالىق ترانزيتتىك ءدالىزى، الماتى - ماسكەۋ تەمىر جولى، سونداي-اق «بەينەۋ-شىمكەنت» گاز قۇبىرى سالىنادى.

ەندىگى كەزەكتە قۇجاتتى پارلامەنت سەناتى قاراپ شىعادى.