+7 (701) 759 90 19
-17 °С : نۇر-سۇلتان
-3 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قالاي الدانعانىمدى بىلمەي قالدىم - سيريادان ورالعان ايەلدىڭ اڭگىمەسى

6 قاراشا 11:45
:ءبولىسۋ
قالاي الدانعانىمدى بىلمەي قالدىم - سيريادان ورالعان ايەلدىڭ اڭگىمەسى

نۇر-سۇلتان. قازاقپارات – ق ر ۇلتتىق قاۋىپسىزدىك كوميتەتىنىڭ Youtube ارناسىندا جاريالانعان «شىرماۋداعى گۇلدەر» دەرەكتى فيلمىندە د ا ي ش مۇشەلەرىنە الدانىپ قالعان الماتىلىق ايەلدىڭ ءومىرى بايان ەتىلەدى، دەپ حابارلايدى قازاقپارات ءتىلشىسى.

الماتىلىق ەركەجان ەرمەكباي قىزى 2016 -جىلى ەكى جاسار بالاسىن جەتەكتەپ، تۇركيا ارقىلى، سيرياعا ۇشىپ كەتكەن. ول د ا ي ش قۇرامىندا يدليب قالاسىندا بولعان.

«د ا ي ش ادامدارىنىڭ ءبىرى ماعان الەۋمەتتىك جەلى ارقىلى شىعىپ، شىنايى مۇسىلمان ەكەنىنە سەندىردى. قۇراننان، شاريعاتتان حابارى بار ەكەنىن ايتىپ، ءوزىن تانىستىرادى. سول تانىستىق ءارى قاراي جالعاسىپ، ولار ماعان «ءسىز قانداي اقيدا ۇستاناسىز؟» دەپ سۇرادى. سودان كەيىن مۇسىلمان مىندەتىن اتقارۋىم كەرەكتىگىن ايتىپ، «ءدىني ءبىلىمىڭىز بار ما؟» دەپ سۇرادى. ەڭ الدىمەن وتباسىلىق قارىم-قاتىناسىمدى بىلگىسى كەلدى»، - دەيدى ول.

قازاقستاننان بارعان ايەلدىڭ ايتۋىنشا، د ا ي ش مۇشەلەرى اقىرى ونى سيرياعا كەلۋگە كوندىرگەن.

«د ا ي ش مۇشەلەرى ءدىني ءبىلىمىمنىڭ جوقتىعىن پايدالانىپ، تەز الدانىپ قالاتىنىمدى بايقاعان بولۋى كەرەك. ول جاققا بارسام، كادىمگى ۇلكەن سوعىس ءجۇرىپ جاتىر ەكەن. يسلام دىنىندە ادامدى ولتىرمەيدى، مۇسىلمان ادامدار ءبىر-بىرىنە كومەكتەسۋى كەرەك. سوعىستىڭ وشاعىنا، ورتاسىنا قالاي بارعانىما سەنە الماي قالدىم. بىرىنشىدەن، ولار جەر-جەردەن مۇسىلمانداردى الەۋمەتتىك جەلى ارقىلى جيناپ الادى. باستى قارۋى - مۇسىلماننىڭ اتىن جامىلۋىندا. ولاردى ءبىز جيھادقا دايىندايمىز دەپ ۇگىتتەيدى. مەن سياقتى قاراپايىم مۇسىلماندار ولاردى كورمەي-اق سەنىپ قالادى. سيرياعا كەلگەن كەزدە قايدا كەلگەنىن بىلمەي قالادى»، - دەيدى ول.

26 جاستاعى ايەل سيرياداعى جاعداي تىم اۋىر ەكەنىن، ادامدار تاماق پەن كيىم تاپپاي، اش- جالاڭاش دالادا قالىپ جاتقانىن ايتادى.

«بالاممەن بارعاندا سۋىق ۇيدە تۇردىم. ءتورت قابىرعا عانا. بالامدى نەمەن اسىرايمىن دەپ ۋايىم جەدىم. قاتتى وكىنەمىن. تۇسىنگەن جوقپىن. ءوزىمنىڭ قالاي قۇرساۋعا ءتۇسىپ قالعانىمدى بايقاماي قالدىم. ءبارى كەش بولدى. ارتقا قايتاتىن جول جوق دەپ ويلادىم. مەن ولىمنەن قاتتى قورىقتىم. قانداي انا بولسىن، بالاسىن ويلايدى. ەلباسى نۇرسۇلتان نازاربايەۆقا مەن سياقتى اداسىپ، الدانىپ قالعان ازاماتتاردى ەلگە قايتارعانى ءۇشىن راحمەت ايتامىن. مەن قازاقستان رەسپۋبليكاسىنىڭ حالقىنان كەشىرىم سۇرايمىن. قىلمىسىمدى مويىندايمىن. اداسىپ، الدانعانىمدى ءتۇسىندىم»، - دەيدى ول.

اۆتور: ايان بەكەن ۇلى


باستى سوزدەر: وتانداستار,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات